அறிவியல் நம்பி

சூப்பர் நோவாவும் நோபல் விஞ்ஞானிகள் சால் பெர்ல்மட்டர், பிரையன் ஷ்மிட் மற்றும் ஆடம் ரீஸ்

2011-10-06T18:03:00.004+05:30

‘பிரபஞ்சத்தின் அதிவேக விரிவை’க் கண்டுபிடித்த சால் பெர்ல்மட்டர், பிரையன் ஷ்மிட் மற்றும் ஆடம் ரீஸ் என்ற மூவருக்கு இந்த ஆண்டின் இயற்பியலுக்கான நோபல் பரிசு வழங்கப்பட்டுள்ளது! மூவரும் அமெரிக்கர்கள் என்றாலும் ஆடம் ரீஸ் மட்டும் அமெரிக்க ஆஸ்திரேலியர்.

இந்த ஆய்வில் ‘சூப்பர் நோவா’ க்களிலிலிருந்து வெளிவந்த ஒளி, எதிர்பார்த்த கால அளவை விட மிகத் தாமதமாகவே பூமியை வந்தடைந்தது கண்டறியப்பட்டது. இதன் மூலம் இந்தப் பிரபஞ்சம் மிக வேகமாக விரிவடைந்து வருகிறது என்பது அம்மூவர் கண்டுபிடிப்பின் சாரம்.

இதில் ‘சூப்பர் நோவா’ என்றால் என்ன? என்பது பற்றி நமக்குப் புரிந்தால்தான் ஏன் இந்தப் பரிசு வழங்கப்பட்டது என்பது தெளிவாகும்.

பிரபஞ்சம் நிலையானது-ஐன்ஸ்டின் கோட்பாடு

ஐன்ஸ்டின் தமது அகண்ட பிரபஞ்ச வெளித் தத்துவத்தில் (Einstein Static Universe) பிரபஞ்சம் என்பது எல்லையற்றது அல்ல. பிரபஞ்சம் ஒர் நிலையான அமைப்பு என்றும், பிரபஞ்சக்கோளம் என்பது ஒரு சோப்புநீர் குமிழ் போன்றது என ஒப்பிடும் அவர் இந்தக் குமிழின் மேற்பரப்பில்தான் தாறுமாறாக பிரபஞ்சப் பொருட்கள் இயங்கிக் கொண்டிருப்பதாகவும் அவர் தெரிவித்தார். ஆனால் வானசாஸ்திர நிபுணர் எட்வின் ஹப்பிள் தமது மௌண்ட் வில்ஸன் ஆராய்ச்சி நிலையத்திலிருந்து தூரதர்சினிக் கருவிகள் மூலம் விண்மீன் மண்டலங்கள் (Galaxy) மற்றும் வெளி மண்டல நட்சத்திரக் கூட்டங்கள் (Star Clusters) இவற்றின் இயக்கங்களை ஆராய்ந்ததில் அவைகள் சீரான முறையில் நமது சூரிய மண்டலத்திலிருந்து விலகிச் சென்று கொண்டு இருப்பதாகக் கண்டறிந்தார். மேலும் இந்த நட்சத்திரக் கூட்டங்களும், விண் மீன் கூட்டங்களும் ஒன்றுக்கொன்று விலகிச் சென்று கொண்டிருப்பதையும் அவர் கண்டறிந்தார். நமது சூரிய மண்டலத்திற்கு சமீபத்திலுள்ள விண்மீன் கூட்டங்கள் நம்மிடமிருந்து விலகிச் செல்லும் தூரம் அதிகரிப்பதைக் கட்டிலும் வெகுதொலைவிலுள்ள (50 கோடி ஒளி வருஷங்கள்) பிரபஞ்சத் தீவுகள் விலகிச் செல்லும் தூரம் மிக அதிகம் என்பதும் அப்போதே நிரூபணம் ஆன ஒன்று. இது பிரபஞ்சம் விரிவடைகிறது என்ற கோட்பட்டை நிரூபிக்கும் அம்சமாகும். அறிவியல் மேதை ஐன்ஸ்டீன் பிரபஞ்சம் நிலையானது என்ற தமது தவறை ‘கிரேட் பிளண்டர்’ என ஒப்புக்கொண்டார்.

ஆனால் நாளுக்கு நாள் பிரபஞ்சம் மட்டும் விரிவடைந்தாலும் மற்ற பிரபஞ்சப் பொருட்கள் பெருக்கமடைவதில்லை என்பதும் மேற்சொன்ன கூற்றிலிருந்து தெளிவாகிறது. ஒரு பலூனை நாம் ஊதும் போது அதிலுள்ள சில வண்ண புள்ளிகளை உற்று நோக்கினால் பலூன் பெரிதாக பெரிதாக, வண்ண புள்ளியும் பெரிதாகும். ஆனால் புள்ளிகளுகிடையில் உள்ள தூரம் மட்டும் மாறாமல் இருக்கும். ஆனால் பிரபஞ்ச வெளியில் விண்மீன் மண்டலங்களுகிடையேயான தூரம் மட்டும் அதிகரிப்பதிலிருந்து, கிரகங்களோ, நட்சத்திரங்களோ, நட்சத்திர கூட்டங்களோ, பிரபஞ்சத் தீவுகளோ விரிவடைவதிலை என்பது புலப்படும்.

பிரபஞ்சம் விரிவடைதல்

தோன்றிய காலத்தில் ஒரு மிகச் சிறிய கோளமாய் இருந்த பிரபஞ்சம், அதன் விரிவுப் பெருக்கதின் காரணமாய் இன்று பிரபஞ்சக் கோளத்தின் ஆரம் 3500,00,00,000 ஒளிவருடங்கள் அளவிற்கு விரிந்துள்ளது. அதே போல் நம் சூரியனிலிருந்து புறப்படும் ஒளியின் வேகம் வினாடிக்கு 1,86,000 மைகள் வீதம் பிரபஞ்சக் கோளத்தைச் ஒரு சுற்று சுற்றி மீண்டும் புறப்பட்ட இடத்தை அடைய 20000,00,00,000 (இருபதாயிரம் கோடி) ஆண்டுகள் ஆகும் என்பதும் ஐன்ஸ்டீனின் அகண்ட பிரபஞ்ச வெளித் தத்துவத்தின் படியான கணக்கீடாகும்.

இவ்வாறு பிரபஞ்சம் விரிவடைகின்றது என்ற கொள்கை பல ஆண்டுகளுக்கு முன்பே நிரூபிக்கப்பட்ட ஒன்று என்று ஆன பிறகு மீண்டும் இப்போது ஏன் இம்மூவருக்கும் நோபல் பரிசு வழங்கப்பட்டுள்ளது?

பிரபஞ்சப் பெருக்க பிரச்சினையைப்பற்றி ஐன்ஸ்டீன், எட்வின் ஹப்பிள், பெல்ஜிய விஞ்ஞானி அபி லெமைட்ரி வாஷிங்டன் பல்கலைக்கழகப் பேராசிரியர் டாக்டர் ஜார்ஜ் காமோ போன்ற விஞ்ஞானிகளின் கூற்றுகள் அனைத்தும் வெறும் அபிப்பிராயமும், கணிப்பும், சமன்பாடுகளும், கோட்பாடு களுமேயாகும். இப்போதுதான் முதன் முதலாக மேற்சொன்ன விஞ்ஞானிகளின் கூற்றை பெர்ல்முட்டர், ஆடம் ரீஸ், ஷ்மிட் என்ற இயற்பியல் விஞ்ஞானிகள் அறிவியல் பூர்வமாக நிரூபித்துள்ளனர். அதோடு பிரபஞ்ச பெருக்கம் ஒரு முடிவை நோக்கி (Ice Age) விரைந்து முடுக்கிவிடப்படுகின்றது (Accelerating) என்கிற உண்மையையும் அவர்கள் கண்டுபிடித்து வெளியிட்டுள்ளனர்.

பெர்ல்முட்டர், ஆடம் ரீஸ், ஷ்மிட் என்ற மூன்று விஞ்ஞானிகளும் எப்படி இதை விஞ்ஞான பூர்வமாக நிருபித்துள்ளனர் என்பதை இப்போது பார்க்கலாம்.

அண்டம் உருவாகும் விதத்தை நாம் ஏற்கனவே அண்டம்-உட்கூறியல் என்னும் கட்டுரையில் பார்த்திருக்கின்றோம்.

டாக்டர் ஜார்ஜ் காமோ, இப்பிரபஞ்சம் பெருக்கமடைய ஆரம்பிக்கு முன் பிரபஞ்சப் பொருட்களின் அடிப்படை மூலகங்கள் அனைத்தும் பிரபஞ்சக் கோளத்தின் நடுவில் நெருப்புப் பிண்டமாக சேர்ந்து இருந்தன என்கிறார். அவரது கூற்றின்படி பிரபஞ்சத்தின் உட்கரு பிண்டம் ஆரம்பத்தில் கற்பனைக் கெட்டாத அளவு உஷ்ணநிலை கொண்ட அடிப்படை மூலகங்களின் ஆவிக்கனல் என்பதாகும். இதற்கு உதாரணமாக அவர் எடுத்துக் காட்டுவது நமது சூரியனின் வெளிப்பரப்பு உஷ்ண நிலை 5500⁰C. அதன் மையத்தின் உஷ்ணநிலை 40,00,000⁰ C. இந்த சூரிய நட்சத்திரத்தின் மைய உஷ்ண நிலையை விட அந்த ஆதி மூல ஆவிக்கனலின் உஷ்ணநிலை மிக மிக அதிகமாயிருந்திருக்க வேண்டும். அந்த உஷ்ணநிலையில் எந்தப் பொருளுமே அணுக்களாகவோ, மூலக்கூறுகளாகவோ (Molecules) கூட இருந்திருக்க முடியாது. நியூட்ரான்கள் மட்டுமே குழப்பமான நிலையில் கொந்தளித்துக் கொண்டிருந்திருக்க வேண்டும். இந்த ஆவிக்கனல் பெருக்கமடைய ஆரம்பித்த போது வெப்பநிலை வரவர குறைந்து 1,000,000,000⁰C க்குக் குறைந்த போது நியூட்ரான் துகள்கள் ஒன்று சேர்ந்தன. அப்போது அவற்றிலிருந்த எலெக்ட்ரான் துகள்கள் வெளியே வீசப்பட்டன. அந்த எலெக்ட்ரான் எந்த நியூட்ரானிலிருந்து வெளியே வீசப்பட்டனவோ அந்த நியூட்ரான் உட்கருவைச் சுற்ற ஆரம்பித்த போது அணுக்கள் உருவாயின. அணுக்கள் ஒன்று சேர்ந்ந்து மூலக்கூறுகளாகப் பரிமளித்தன. இந்த மூலக்கூறுகள்தான் பிரபஞ்சம் மேலும் பெருக்கமடைந்த போது ஒன்றுகூடிப் பெரிய பெரிய பிரபஞ்சப் பொருட்களாயிற்று. இவ்வாறு தான் கோடானு கோடி நட்சத்திரங்கள், கோடானு கோடி விண்மீன் மண்டலங்க ளில் பரவி இப்பிரபஞ்சம் உருவானது. இன்னும் இப்பிரபஞ்சம் விரிந்து கொண்டே போகின்றது என்பது டாக்டர் ஜார்ஜ் காமோ அவர்கள் விவரிக்கும் பிரபஞ்சக் கோட்பாடு.

Cat’s eye Nebula

இந்த நட்சத்திரங்களுக்கிடையில் உள்ள பரந்த வெளியில் இன்னும் ஏராளமான துகளாவிகளின் மூலக்கூறுகளும் மிதந்தது கொண்டிருக்கின்றன. இவற்றில் குறிப்பிடத்தக்க ஒன்று லேசான அகண்ட வெளித் துகள்கள் (Cosmic dust) ஆகும். டாக்டர் ஃப்ரெட் எல். விப்பிள் என்னும் விண்ணியல் ஆய்வாளர் தமது துகளாவி சித்தாந்தத்தில் (Dust Cloud Hypothesis), இந்த விண்வெளித் துகள்களும் பிரபஞ்சப் பொருட்களின் பொருள் திணிவைக் (Mass) கொண்டுள்ளதால், பிரபஞ்சத்தில் பற்பல உருவங்களுடன் இன்று உலவும் இந்த வெளித் துகள்கள் நூறு கோடி ஆண்டுகளில் ஒன்று சேர்ந்து விண்முகில் (Nebula) ஆகின்றது என்கின்றார் அவர். மேலும் அவர் கருமேகம் மழை நீரைப் பிரசவிப்பது போல் இந்த விண்முகில் தான் நட்சத்திரங்கள் பரிமளிக்கும் கருப்பை போன்றது என்கிறார்.

குழந்தை நட்சத்திரம் - PROTOSTAR

மேலே சொன்னவற்றிலிருந்து நட்சந்திரங்களுக்கும் மனிதர்களைப் போன்றே பிறப்பு, வளர்ச்சி, இளமைப் பருவம், வாலிபப் பருவம் வயோதிகப் பருவம் என அனைத்தும் உண்டு என்பது தெளிவாகின்றது.

விண்முகிலின் கருவிலிருக்கும் குழந்தை நட்சத்திரத்தை PROTOSTAR என்றும்,

நம் சூரியனைப் போன்று வாலிப பருவத்திலிருக்கும் நட்சத்திரத்தை MAIN SEQUENCE STAR என்றும்,

நடுத்தர வயதக் கடந்த நட்சத்திரத்தை RED SUPER GIANT என்றும்,

அந்திமக் காலத்தை அடைந்த நட்சத்திரத்தை SUPERNOVA என்றும்,

இறந்து போன நட்சதிரத்தின் உயிர்ப்பை NEUTRON STAR, என்றும்,

சுருங்கிப்போன நட்சத்திர உடலை BLOCK WHOLE என்றும் வானவியலாளர்கள் அழைக்கின்றார்கள்.

வாலிப நட்சத்திரம் - MAIN SEQUENCE STAR

சூப்பர் நோவா

ரெட் சூபர் ஜெயிண்ட்

.அந்திமக்காலத்திலுள்ள உயிரினங்கள் உயிரைத் துறக்கு முன் துடி துடிக்கும் என்பார்கள். அதுபோல் சூப்பர் நோவா என்றழைக்கப்படும் அந்திமக்கால நட்சத்திரம் இறப்பதற்கு முன் அது இருக்கும் விண்மீன் மண்டலமே பிரகாசிக்கும் வண்ணம் வெடித்துச் ஜொலிக்கும்! இந்த ஜொலிப்பு ஒன்று இரண்டு ஆண்டுகள் வரை நீடித்திருக்கும். அப்போது வெளிப்படும் ஒளிக்கற்றைகள் நம் பூமியையும் எட்டிப் பார்க்கும். இவ்வாறு பல சூபர் நோவாக்களை பல ஆண்டு காலம் ஆராய்ச்சி செய்து அவற்றின் ஒளிக் கற்றைகள் பூமியை வந்தடையும் நேரம் மற்றும் அது இருக்கும் விண்மீன் மண்டலம் போன்றவற்றை வைத்துக் கணித்துத்தான் நம் விஞ்ஞானிகள் பிரபஞ்சம் விரிவடையும் உண்மையையும் வேகத்தையும் விஞ்ஞான பூர்வமாக நிரூபித்தார்கள்.

இது எப்படி என்பதை அடுத்த கட்டுரையில் பார்ப்போம்.

அணு சக்தி பிறந்த கதை-6

2011-10-04T00:53:00.002+05:30

“வெகு காலமாய் இல்லாத வழக்கமாய் அஜந்தாவில் கலைவிழா நடந்தது. அது அரை குறையாக முடிவுற்று ஒரு மாதத்திற்குமேல் ஆயிற்று.

அந்த ஒரு மாதமும் வடக்கேயிருந்து வாதாபியை நோக்கி விரைந்து வந்த சளுக்க சைனியத்துக்கும் தெற்கேயிருந்து படையெடுத்து வந்த பல்லவச் சைனியத்துக்கும் ஒரு பெரிய போட்டிப் பந்தயம் நடந்து கொண்டிருந்தது’.

வாதாபியை முதலில் யார் அடைவது என்கின்ற அந்த விரைவுப் பந்தயத்தில் பல்லவ சைனியமே வெற்றியடைந்தது.” என்பது சிவகாமியின் சபதத்தில் வாதாபிப் பெரும் போரைப் பற்றி அமரர் கல்கியின் வர்ணனையாகும்.

இதே போன்றதொரு பெரும் போட்டி கி.பி 1940களில் ஜெர்மனிக்கும் அமெரிக்காவுக்கும் இடையே அணுசக்தியை முதலில் பெறுவது யார் என்கின்ற விரைவுப் பந்தையம் நடந்தது. நியாயமாகப் பார்த்தால் இறுதியில் அப்போட்டியில் வென்றது ஜெர்மனிதான் என்ற போதிலும் வெற்றிக் கோப்பையைச் தட்டிச் சென்றது என்னவோ அமெரிக்கா! இது எப்படி சாத்தியமாகும்?

நாம் ஏற்கனவே பார்த்ததுபோல் எப்பேர்ப்பட்ட வீரனுக்கும் ஒரு பலவீனம் இருக்கத்தான் செய்யும் என்பதற்கிணங்க அபிமன்யூவுக்கு ஒர் சையத்தரதன் வாய்த்ததுபோல் அடால்ஃப் ஹிட்லருக்கு எமனாய் முளைத்தவ்ர்கள் யூத விஞ்ஞானிகளாவர்.

ஹிட்லரின் யூத வெறுப்புக் கொள்கைக்குப் பலியானவர்களின் எண்ணிக்கை கணக்கில் அடங்காது. இது பற்றிய ஒரு கேள்விக்கு அவரது பதில் “Who cares if anybody kills any number of bugs” என்பதாகும். மூட்டைப் பூச்சிகளை விட கேவலமாக யூதர்களை மதித்த அவரது ஆணவப் போக்குதான் இறுதியில் மரணம் என்னும் படுகுழியில் அவரை வீழ்த்தியது.

உலகமே இரண்டாம் உலகப்போர் மேகங்களால் சூழப்பட்ட இருண்ட ஒரு காலகட்டம் அது. ஹிட்லரின் படைகள் ஐரோப்பா கண்டம் முழுவதும் அக்கிரமித்திருந்த அந்த நேரத்தில் அணு ஆயுதப் போட்டி ஒரு முடிவை நோக்கி நகர்ந்து கொண்டிருந்தது.

ஜெர்மனியின் யூத வெறுப்புக் கொள்கையால் ஜெர்மனியிலும், ஜெர்மனி யினால் ஆக்கிரமிக்கப்பட்ட மற்ற ஐரோப்பிய நாடுகளிலிருந்தும் வெளியேறிய யூத விஞ்ஞானிகள் உயிருக்குப் பயந்து அமெரிக்காவில் தஞ்சம் அடைந்தனர். அவர்களில் ஆல்பர்ட் ஐன்ஸ்டீன், லியோ சிஸ்லர்டு, ஒட்டோவான், நீல்ஸ் பேகர், ஓப்பன் ஹீமர், என்ரிகோ ஃபெர்மி போன்றோர் குறிப்பிடத் தக்கவர்கள் ஆவார்கள்.

நாம் ஏற்கனவே அணுவின் அமைப்பிலுள்ள பல பலவீனமான அம்சங்களைப் பற்றிப் பார்த்திருக்கிறோம். அணு, அதன் உட்துகளான எலெக்ட்ரான், மற்றும் அணு உட்கருத் துகள்களான புரொட்டான், நியூட்ரான் போன்றவற்றின் பலவீனத்தைப் பயன்படுத்தி எப்படி விஞ்ஞானிகள் அணுவைப் பிளந்தனர் என்பதைப் பார்ப்பதற்கு முன்பாக காலக் குறியீட்டுடன் கூடிய அப்போட்டியின் நிகழ்வை முதலில் பார்ப்போம்.

1938-டிசம்பர்

அமெரிக்க விஞ்ஞானிகள் ஓட்டாவான் மற்றும் ஃப்ரிட்ஜ் ஸ்ட்ராஸ்மேன் குழுவினர் முதன் முதலில் ஒரு நியூட்ரான் அணுத்துகளை ரேடியோ ஆக்டிவ் யுரேனிய அணு உட்கருவுடன் மோதச் செய்வதன் மூலம் அந்த அணுவைப் பிளக்க முடியும் எனக் கண்டறிந்தனர். இதன் மூலம் வெளிப்படும் அபரிமித ஆற்றல் மிக்க அந்த சக்தியை அணுசக்தி என்றனர்.

1939 ஆகஸ்டு 2

சக விஞ்ஞானி லியோ சிஸ்லர்டு ஆலோசனையின்படி ஆல்பர்ட் ஐன்ஸ்டீன் அமெரிக்க ஜனாதிபதி பிராங்க்ளின் ரூஸ்வெல்டிற்கு அமெரிக்கா அணுசக்தி சோதனையில் ஈடுபட வேண்டிய அவசியத்தையும், ஜெர்மனி எந்த நேரத்திலும் அணுஆயுத சோதனையில் வெற்றிபெரும் நிலையில் இருப்பதையும் அதனால் எந்த விதத்திலும் அமெரிக்கா அணுஆயுத சோதனையில் ஜெர்மனிக்குப் பின்தங்கி விடக்கூடாது என்பதற்கான கரணங்களையும் விளக்கி கடிதம் எழுதினார்.

இதன் பயனாக பள்ளி, கல்லூரி ஆராய்சிக் கூடங்களில் இருந்த அணு ஆராய்ச்சி முயற்சிகள் அமெரிக்க அரசாங்கத்தின் பண உதவியுடன் பல்வேறு அதி நவீன பரிசோதனைக் கூடங்களுக்கு மாறின.

1941 பிப்ரவரி:

அமெரிக்க வேதியல் நிபுணர் கிளன் சீபர்க் செறிவூட்டப்பட்ட யுரேனிய அணுக்களைப் போன்றே புளுடோனியமும் எளிதில் பிளவுறும் கதிவீச்சுத் தன்மையுடைய வெடிபொருள் எனக் கண்டறிந்தார். இதன் மூலம் புளூடோனியமும் அணு ஆயுத தயாரிப்புக்கு மூலப் பொருளானது.

1941 டிசம்பர் 7

ஹவாய் தீவின் பேர்ல் ஹார்பர் துறைமுகத்திலிருந்த அமெரிக்காவின் பசிபிக் கடற்படைப் பிரிவின் நிலைகளை ஜப்பான் தாக்கி எண்ணற்ற போர்க் கப்பல்களை மூழ்கடித்தது. இதன் மூலம் அமெரிக்காவும் இரண்டாம் உலகப்போரில் குதிக்க வேண்டிய கட்டாய சூழ்நிலை உருவானது.

பேர்ல் ஹார்பர் தாக்குதல்

1942 ஜூலை

அமெரிக்க இயற்பியல் விஞ்ஞானி எட்வர்டு டெல்லர் அணுகுண்டைவிட அதிக சக்திவாய்ந்த ஹைட்ரஜன் குண்டை வடிவமைத்தார்.

1942 செப்டம்பர்

அமெரிக்கா அணுகுண்டு தயாரிப்புக்கென மன்ஹாட்டன் திட்டம் என்றதொரு இரகசிய திட்டத்தை உருவாக்கி அதன் செயல் தலைவராக இராணுவத் தளபதி லெஸ்லீ குரூவ்ஸ் என்பவரை நியமித்தது. அவர் திட்டத்திற்கான விஞ்ஞான ஆலோசகராக டாக்டர் J. ராபர்ட் ஓபன்ஹீமரை நியமனம் செய்தார்.

1942 டிசம்பர் 2

விஞ்ஞானி என்ரிகோ பெர்மி தலைமையிலான குழு சிக்காகோ பல்கலைக்கழகத்தில் 1942 டிசம்பரில் அணுவைப் பிளக்கும் சாதனம் சைக்ளோட்ரான், மூலம் உலகின் முதல் அணுவெடி சோதனையை நிகழ்த்தி அதன் தொடர் விளைவை (Chain Reaction) கட்டுப்படுத்தும் அமைப்புகளையும் உருவாக்கி சரித்திர சாதனை படைத்தனர்.

1944 டிசம்பர்

மன்ஹாட்டன் திட்டத்தின் ஒரு பகுதியாக வாஷிங்டன் ஹான்ஃபோர்டு தொழிற்சாலையில் அதிகளவிலான புளூடோனிய உற்பத்தி தொடங்கியது. டென்னசி மாகாணத்தில் ஓக் ரிட்ஜ் என்ற இடத்தில் U235 வகை யுரேனியம் செறிவூட்டும் ஆலை ஒன்று நிறுவப்பட்டு அங்கும் உற்பத்தி தொடங்கியது.

1945 ஜூலை 16

முதல் அணுவெடி சோதனை நிகழ்ந்த அடுத்த மூன்றே ஆண்டுகளில் அந்த சாதனையை பரீச்சார்த்தமாக சோதிக்க அந்த முதல் அணு வெடி சோதனைக்கு

டிரைனிடி அணு வெடி சோதனை

டிரைனிட்டி எனப் பெயரிட்டு அமெரிக்காவின் நியூஜெர்சி மாகாணத்தில் உள்ள அல்மோகார்டோ பாலவனத்தில் 1945 ஜூலை 16ல் அச்சோதனையை நிகழ்த்தினர்.

1945 ஆகஸ்டு 6

அதே ஆண்டில் பி-29 ரக எனோலா கே என்ற போர்விமானம் 15 கிலோடன் யுரேனிய அணுகுண்டை சுமந்து சென்று ஜப்பான் ஹிரோசீமா நகர் மீது வீசியது. குண்டு வீச்சுக்கு உடனடியாக 68,000ம் பேரும் அடுத்த சில ஆண்டுகளில் அதன் தொடர் நிகழ்வாக 70,000ம் பேரும் பலியானார்கள். கதிர் வீச்சில் உடல் ஊனமுற்றவர்கள் எண்ணிக்கை பல லட்சத்தைத் தாண்டும். இன்றும் அதன் தாக்கம் ஒரு தொடர்கதைதான் என்பதிலிருது கதிர்வீச்சின் கொடூரத்தை யூகித்துக் கொள்ளலாம்.

1945 ஆகஸ்ட் 9

ஃபேட் மேன் என்ற விமானத்திலிருந்து 21 கிலோடன் புளூட்டோனிய வகை குண்டு ஜப்பான் நாகசாகி நகர் மீது வீசப்பட்டது. 38,000 பேர் உடனடியாகவும் தொடர்ந்த ஆண்டுகளில் 35,000 பேரும் பலியானர்கள். மறுநாள் ஜப்பான் அமெரிக்காவிடம் சரணாகதி அடைய, மனித குலத்தை பெரு நாசத்திற் குள்ளாக்கிய இரண்டாம் உலகப்போர் ஒரு முடிவுக்கு வந்தது.

1952 நவம்பர் 1

பசிபிக் கடலில் உள்ள மார்ஷல் தீவில் மைக் என்ற பெயரில் அமெரிக்கா வெற்றிகரமாக உலகின் முதல் ஹைட்ரஜன் குண்டை பரீட்சார்த்தமாக வெடித்து சாதனை படைத்தது.

ஹைட்ரஜன் அணுவெடி சோதனை

இத்னைத் தொடர்ந்து 1952ல் ஆஸ்திரேலிய பாலைவனத்தில் பிரிட்டனும், 1955ல் கஜகஸ்தானில் சோவியத் யூனியனும் அணுவெடி சோதனைகளை நிகழ்த்தி அணு ஆயுதப் போட்டியைத் தொடங்கி வைத்தனர்.

அணுப் பிளவின் தொடர் விளைவு (Chain Reaction) என்றால் என்ன?

அடுத்த கட்டுரையில் பார்ப்போம்...

அணு சக்தி பிறந்த கதை - 5

2011-09-17T20:48:00.130+05:30

இந்த அணுசக்தி பிறந்த கதை – எழுதப்பட தூண்டுகோலாய் அமைந்த கூடங்குளம் அணுமின் நிலைய பாதுகாப்பு பற்றி மக்களிடம் எழுந்துள்ள ஐயப்பாடுகளைப் போக்கும் விதமாக அணு விஞ்ஞானிகளுடன் நடத்திய ஆலோசனைக்குப் பிறகு தமிழக முதல்வர் அவர்கள் இன்று (17-09-2011) ஓர் அறிக்கை வெளியிட்டுள்ளார்கள்.

அதில் கூடங்குளம் அணுமின் நிலையம் நில நடுக்கம் ஏற்பட சாத்தியமில்லாத இரண்டாம் நிலை மண்டலத்தில் மிகவும் பாதுகாப்பாக உள்ளது எனவும், கடல் மட்டத்திலிருந்து ஆழிப்பேரலை நெருங்க முடியாத 7.5-9 மீட்டர் உயரத்தில் உள்ளதாகவும் குறிப்பிட்டுள்ளார். மேலும் அணு உலைகளை இயக்கத்திலிருந்து நிறுத்தி வைத்திருக்கும் போது அவற்றைக் குளிர்விக்க ஒன்றுக்குப் பதிலாக நான்கு டீசல் மின்னாக்கிகள் (Diesel Generators) 9 மீட்டர் உயரத்தில் அமைக்கப்பட்டுள்ளன என்பதால் மக்கள் பயப்படத் தேவை இல்லை என்றும் எனவே போராட்டத்தைக் கைவிடுமாறும் வேண்டுகோள் விடுத்துள்ளார்.

எப்படியெல்லாம் விபத்து நடக்லாம் என, அனைத்து கோணங்களையும் கடந்த பத்து ஆண்டுகளாக ஆராய்ந்து எந்த நிகழ்வானாலும் கதிர்வீச்சோ, கட்டடங்களுகுச் சேதமோ, சுற்றுப்புற ஊர்களுக்குச் சிக்கலோ ஏற்படாத அளவிற்கு மற்ற உலக நாடுகளும் பின்பற்றக் கூடிய அதிநவீன பாதுகாப்பு ஏற்பாடுகளை கூடங்குளத்தில் செயல்படுத்தியுள்ளோம் என்கிறார் கூடங்குளம் அணுமின் நிலைய திட்ட இயக்குனர் காசிநாத் பாலாஜி அவர்கள்.

(இது தொடர்பான தொழில் நுட்பக்கூறுகளை அடுத்து வரும் அணு உலைகள் பற்றிய கட்டுரைகளில் விரிவாக ஆராய்வோம்)

கடந்த 20 ஆண்டுகளாகத் திட்டமிட்டு இந்திய அணுமின் கழகத்தால் ரூ 16,700 கோடி மதிப்பில் 2000 மெகாவாட் மின்உற்பத்தித் திறன் கொண்ட இத்திட்டத்தில் தமிழகத்தின் பங்கு 925 மெகாவாட் என்பது, 3000 மெகாவாட் மின்பற்றாக்குறை உள்ள ஒரு மாநிலத்திற்கு எத்தனை முக்கியமான திட்டம் என்பது சொல்லித் தெரிய வேண்டியதில்லை.

ஒரே நேரத்தில் எந்த சுற்றுச் சூழல் சீர்கேடும் இல்லாமல் 2000 மெகாவாட் மின் உற்பத்திக்கு உகந்த இத்திட்டம் அடுத்த மாதம் மின் உற்பத்தி துவங்க வேண்டிய நிலையில் திடீரென எதிர்ப்பு கிளம்பியிருப்பதில் அரசியல் உள்நோக்கம் இருக்குமோவென நடுநிலையாளர்கள் கருதுகிறாகள். மேற்குவங்க முதல்வர் மம்தா பானர்ஜி ஆரம்பகட்டத்தில் இருந்த அணுமின் திட்டத்தைத்தான் நிறுத்திவைத்துள்ளார். இன்றைய காலகட்டத்தில் பஸ் ரயில், விமானம் என எந்த ஒரு பயணமாகட்டும் விபத்து இல்லாமல் இருக்கிறதா? அதற்காக யாரும் பயணம் மேற்கொள்ளாமல் இருக்கிறோமா? என்பது நடுநிலையாளர்களின் கேள்வி. சேது சமுத்திரம் திட்டத்தைப் போல் ஒவ்வொரு திட்டமும் இப்படி அரசியல் சகதியில் சிக்கி சீரழிந்தால் தமிழ் நாட்டில் இனி வளர்ச்சி என்பது கேள்விக்குறிதான் என்பதும் அவர்கள் ஆதங்கம்.

இடிந்தகரையில் தொடர் உண்ணாவிரதப் போராட்டத்தை மேற்கொண்டுவரும் போராட்டக் குழுவினர் முதல்வர் வேண்டுகோளை ஏற்றுப் போராட்டத்தைக் கைவிடுவார்களா அல்லது தலையும் வயிற்று வலியும் தனக்கு வந்தால்தானே தெரியும் என்ற ரீதியில் போராட்டத்தை தொடர்வார்களா என்பது காலதேவனின் பதிலில்தான் உள்ளது.

இனி கட்டுரைக்கு வருவோம்.

அணுக்குள் நிலவும் பல்வேறு விசைகள் (Forces):

‘குவாண்டம் மெக்கானிக்ஸ்’ என்ற இயக்கயெந்திர அணுவியல் பிரிவு அணுக்குள் நிலவும் பல்வேறு விசைகளைப் பற்றியும், உட்பிரிவு அணுத் துகள்களின் (Sub atomic particles) இயக்கத்தைப் பற்றியும் விவரிக்கும் துறையாகும். 1913ல் டென்மார்க் இயற்பியல் விஞ்ஞானி நீல்ஸ் பேகர் என்பவர் அணுவில் எலெக்ட்ரான்களின் இயக்கத்தை விளக்க குவாண்டம் மெக்கானிசத்தைப் பயன்படுத்தினார். அதன் பிறகு வந்த விஞ்ஞானிகள் இதன் கோட்பாடுகளை அணு உட்கருவைப் பற்றி ஆராயவும் பயன்படுத்தினர். எலெக்ட்ரான்களைப் பற்றி மேலும் விரிவாக ஆராய்ந்து செயற்கைப் பிரளயம் ஒன்றை உருவாக்கி, அதன் மூலம் இப்பிரபஞ்சம் உருவாகக் காரணமான கடவுள் துகளைக் கண்டுபிடிக்கும் அளவிற்கு வளர்ச்சி காண இக்கோட்பாடுகள்தாம் காரணம்.

எலெக்ட்ரானின் சக்தி வெளிப்பாடு:

எலெக்ட்ரான் ஒரு எதிர்மின் சக்தி கொண்ட மின்னணு. இதனால் மின் ஆற்றலைத் தன் வயப்படுத்தும் தன்மை இதற்குக் கிடையாது. ஆனால் இயல்பு நிலையில் இவை உட்கருவைத் தேர்ந்தெடுத்த ஒரு சுற்றுப் பதையில் வலம் வருகின்றன. எலெக்ட்ரானின் இந்த நிலையைத்தான் ‘எலக்ட்ரான் ஆற்றல் நிலை அல்லது வளையம்’ (Quantum State or Energy Level) என்கிறோம்.

பாத்திரத்தில் நீரின் மட்டம்

நீரானது அதன் கொள்கலத்தில் எப்போதும் குறைந்த உயரத்தில்தான் நிலை கொள்ளும். தன்மையுடையது. அதே போல் மிகக் குறைந்த ஆற்றல் பெற்ற நிலையில் இயங்குவதுதான் எலெக்ட்ரான்களின் தனிப் பண்பு. ஒரு குறிபிட்ட நேரத்தில் குறைந்த நிலை ஆற்றல் வளையத்தை (உள் வளையம்) இட்டு நிரப்ப ஒரே ஒரு எலெக்ட்ரானால் மட்டுமே முடியும். முதல் வளையம் நிரப்பப்பட்டதும் மற்ற எலெக்ட்ரான்கள் அடுத்த உயர் நிலை வளையத்தை நோக்கிச் செல்ல வேண்டிய நிர்பந்ததிற்கு ஆட்படும். இவ்வாறு சதாரண வெப்ப நிலையில் முடிந்த அளவு குறைந்த நிலை ஆற்றல் வளையயங்களை எலெக்ட்ரான்கள் ஆக்கிரமித்து முடிந்த அணுவை அதன் இயல்பு நிலையில் (Ground state) இருப்பதாகக் கொள்ளலாம்.

இந்நிலையில் அந்த அணுவால் உள்ளிருக்கும் ஒரு எலெக்ட்ரானை இழக்கவோ, வெளியில் இருந்து மற்றொரு எலெக்ட்ரானைப் பெறவோ இயலாது.

அணுக்குள் நிலவும் பல்வேறு விசைகள் (Forces):

ஒரு பொருளை நாம் சூடேற்றும் போது அப்பொருளில் உள்ள அணுக்கள் கிளர்ச்சி அடையும். வெப்பநிலை 200⁰அல்லது 300⁰க்கு மேற்படும் போது உட்கரு அருகில் முதல் சுற்றில் உள்ள எலெக்ட்ரான்கள் வெப்பத்தால் கிளர்ச்சி அடைந்து அடுத்த சுற்றுக்கு மாறும் அளவிற்கு கூடுதல் சக்தியைப் பெறுகின்றன. இதை அணுக்களின் கிளர்ச்சி நிலை (Excited state) என்கிறோம். இக்கிளர்ச்சி நிலையில் எலெக்ராடான்கள் அடுத்தடுத்த உயர் சுற்றுப்பதைக்கு மாறும் போது ஒரு கிளர்சியடைந்த எலெக்ட்ரானால் நூற்றிலொரு பங்கு வினாடி நேரம் கூட அந்த உயர் சுற்றுப் பதையில் தாக்குப் பிடிக்க முடிவதில்லை. உடனே அவைகள் பழைய சுற்றுப்பாதைக்கு திரும்பி இயல்பு நிலைக்கு வருகின்றன.

எலெக்ட்ரான்கள் இப்படி உயர் வெப்ப நிலையிலிருந்து கீழ் நிலைக்கு மாறி வரும்போது அது கொண்டிருந்த கூடுதல் வெப்பத்தை ஒரு சிறு ஒளிப் புள்ளியாக மாற்றி வெளியேற்றுகின்றன. இதைத்தான் நாம் ஃபோட்டான் (Photon) என்கிறோம். ஒளிக்கும் சக்தி உண்டு என்ற ஆல்பர்ட் ஐன்ஸ்டீனின் ‘ஒளிமின் விளைவுகள்’ (Photoelectric effects) தத்துவத்தின் மூலம் நமக்குக் கிடத்த வரப்பிரசாதம் இந்த ஃபோட்டான்கள். இன்றைய உலகில் இதன் பயன்பாடு லேசர், ஸ்பெக்ட்ரம், கைபேசி என விரிந்து செல்லும் ஒன்றாகும்.

உட்கருவில் நிலவும் விசைகள்:

குவாண்டம் கோட்பாடுகள் எப்படி எலெக்ட்ரான்களுக்குப் பொருந்துகின்றதோ அப்படியே அணு உட்கருவில் உள்ள புரொட்டான் மற்றும் நியூட்ரான்களுக்கும் பொருந்தும். ஆனால் உட்கருத் துகள்களை ஒருங்கிணைக்கும் விசைக்கும் அணுவில் இயங்கும் எலெக்ட்ரான்களை ஈர்த்து வைக்கும் மின் ஆற்றலுக்கும் நிரம்ப வேறுபாடு உண்டு. உட்கரு துகள்கள் மிக அண்மையிலுள்ள துகளுடன் ஒன்றுக்கொன்று தொடர்பிலான ஒருவித சக்தியால் பிணைந்து கிடக்கின்றன. இந்த ஒட்டுமொத்த உள் விசையைவிட உட்கருவின் வெளிப்புற (Nuclear force) விசையானது மிஞ்சி நிற்பதால் உட்கருத் துகள்கள் எப்போதும் சிதறிவிடாமல் வெல்லப்பாகு கடலை உருண்டையைப் பிடித்து வைப்பது போல் ஒரு பிடிப்பில் வைத்துள்ளது.

அடுத்த சந்திப்பில் பார்ப்போம்...

அணு சக்தி பிறந்த கதை-4

2011-09-10T16:05:00.001+05:30

அணுவியல் கோட்பாடுகள் உருவான விதம்:

எந்த ஒரு பொருளுமே பல சிறு நுண் பாகங்களால் உருவானவை என்ற சித்தாந்தம் கிரேக்கப் பேரரசில் கி.மு நான்காம் நூற்றாண்டிலேயே நிலவி வந்தது. பின்னர் இதை அணுவியல் (Atomism) தத்துவமாக மாற்றியவர் கிரேக்க தத்துவஞானி லூசிபஸ். ஆனால் அவரது சீடர் டெமாக்ரிடஸ் என்பவர்தான் இந்த சிந்னைக்கு ஒரு முழு வடிவம் தந்தார். ‘எந்த ஒரு பொருளுமே ஒரு அடிப்படை அலகைக் கொண்டே உருவாகும். அந்த அடிப்படை அலகே அணு (Atom) என்பதாகும். அணு என்பது ஒரு கடினமான பொருளால் ஆன நுண் துகள். இதை வெட்டவோ நொறுக்கவோ அழிக்கவோ முடியாது. ஒரு பொருளை நாம் தூள் தூளாக நொறுக்கினாலும் அணுகள் காற்றில் மிதந்து இயங்கும் தன்மையுடையவை என்பதால் அவைகள் காற்றோடு காற்றாக கலந்துவிடுமே தவிர அழியாது. மேலும் அணுக்களால் குதிக்கவோ, ஒன்றோடொன்று மோதிக் கொள்ளவோ முடியும். அணுக்கள் பல வித்தியாசமான அளவுகளிலும் பல வடிவங்களிலும் இருக்கும்’ என்றார் டெமாக்ரிடஸ். இதை இரத்தினச் சுருக்கமாக "Nothing exists except atoms and Empty Space. Everything else is Opinion” என்கிறர் அவர்.

கி.மு மூன்றாம் நூற்றாண்டைச் சேர்ந்த கிரேக்க தத்துவஞானி எபிகியூரஸ் சில மாற்றங்களுடன் டெமாக்ரிடஸ் சித்தாந்தத்தை ஆமோதித்து ஏற்றுக்கொண்டார். ஆனால், கி.மு 50ல் வாழ்ந்த ரோமானிய தத்துவ மேதையும் கவியரசருமான லுக்ரீடியஸ் என்பவர் ‘On the Nature of Things’ என்ற தமது நீண்ட கவிதை நூலில் கையாண்ட பிறகே அணுவியல் சித்தாந்தம் மக்களிடையே ஓரளவு பிரபலமானது.

தமிழகத்தில் ஔவையார், மாணிக்கவாசகர், கம்பர், போன்ற புலவர்கள் ‘அணு’ பற்றி எழுதிய கவிதைகளை ஏற்கனவே எமது முந்தைய அறிவியல் கட்டுரைகளில் பார்த்திருக்கின்றோம்.

அணுதான் பொருட்களின் அடிப்படை அலகு என்ற கருத்தைப் பலரும் ஒப்புக் கொண்டாலும் டெமாக்ரிடஸின் அணுவியல் சித்தாந்தத்தை கிரேக்கத்தில் அவருக்குப் பின்னால் வந்த பிரபல தத்துவஞானி அரிஸ்டாட்டில் ஏற்றுக் கொள்ளவில்லை. எனவே தத்துவார்த்தமாகவும், விஞ்ஞானரீதியிலும் அரிஸ்டாடில் கோட்பாடுகள் பின்னாளில் நிலைகொள்ள, அணுவியல் தத்துவம் பின்னுக்குத் தள்ளப்பட்டது.

அரிஸ்டாட்டிலின் கோட்பாடுகள் மொத்தம் 150க்கும் மேற்பட்டவை என்ற போதிலும் அவற்றில் காலம் கடந்து நிலைத்தது நிற்பவை 30 கோட்பாடுகள் மட்டுமே. இவைகள் பெரும்பாலும் உயிரியல், வானியல், பௌதீகம், அரசியல் பற்றியே அதிகம் பேசுகின்றன. அணுவியல் பற்றி மேலோட்டமாகத்தான் சில கருத்துக்ளை முன் வைக்கிறார். ‘நம் புலன்களால் அறியப்படும் பொருட்கள் (Objects) யாவுமே சாத்தியமுள்ள சிறு பருப்பொருட்களால் (matter) ஒரு சிற்பியின் சிந்தனையில் உருவாகும் கற்சிலைகளைப் போல் வடிவமைக்கப் பட்டு உருவாகின்றன’ என்பதே அவர் அணுவியல் கோட்பாடு.

நவீன விஞ்ஞானத்தின் சிற்பிகளான இங்கிலாந்து நாட்டைச் சேர்ந்த பிரான்சிஸ் பேகன், ஐசக் நியூட்டன், இத்தாலி நாட்டின் கலிலியோ போன்றோர் அணு பற்றிய கொள்கைகளில் நம்பிக்கை வைத்திருந்தாலும் அவர்களும் டெமாக்ரிடஸ் கூற்றுக்கு மேலாகப் புதிதாக ஏதும் சொல்லவில்லை.

தற்கால அணுவியல் கோட்பாடுகளின் தோற்றம்:

கி.பி 1750ல் தற்போதைய குரோசியா நாட்டில் பிறந்த ரூட்ஜெர் போஸ்கோவிக் என்ற விஞ்ஞானிதான் முதன் முதலாக டெமாக்ரிடஸ் கூற்றை மறுத்தார். குறிப்பாக அவர் டெமாக்ரிடஸின் அணுக்களைப் வெட்டவோ, பிளக்கவோ முடியாது என்ற கோட்பாட்டை நிராகரித்தார். ‘அணுக்கள் ஒரே பொருளாலான உருண்டைகள் அல்ல. மாறக அவைகள் மேலும் சிறிய துகள்களாலும் அத்துகள்கள் மேலும் சிறிய நுண்துகள்களாலும் ஆனவை’ என்றார் ரூட்ஜெர். இந்த சிறிய நுண்துகள்கள் கூட வெறும் ஜியோமிதிப் புள்ளிகள்தான் என்றும் அவற்றிற்கு எந்த ஒரு வடிவமோ அளவுவோ கிடையாதென்றார். இந்த அதிநவீன இயற்பியல் அணு கோட்பாட்டை அக்கால விஞ்ஞானிகள் மட்டுமல்லாது இக்கால விஞ்ஞானிகளும் மேலும் சில மாற்றங்களுடன் ஏற்றுக் கொண்டுள்ளனர்.

ஜான் டால்டன்

நாம் ஏற்கனவே பிரிட்டிஷ் வேதியல் விஞ்ஞானி ஜான் டால்டன் தமது அணுக்கொள்கையை கி.பி 1803ல் வெளியிட்டார் என்று பார்த்தோம். அவரது கோட்பாட்டின்படி ‘ஒவ்வொரு தனிமமும் ஒரே வகையான அணுக்களையே கொண்டிருக்கும். அவை யாவுமே ஒரே வடிவில், ஒரே அளவில் ஒரே அணு நிறையைக் கொண்டிருக்கும். உலகில் வெவ்வேறு வகையான் பொருட்கள் காணப்படுவதற்கு அவற்றில் உள்ள வெவ்வேறு வகையான அணுக்களே காரணம். இரண்டு தனிமங்கள் சேர்ந்து ஒரு கூட்டுப் பொருள் உருவாகும்போது அக்கூட்டுப் பொருளில் அத்தனிமங்களின் கலப்பு விகிதம் ஒரேவிதமாகத்தான் இருக்கும். எனவே அக்கலவையின் நிறையும் எப்போதும் மாறாத ஒரே அளவில்தான் இருக்கும்’. என்பது அவர் கூற்றாகும்.

ஜோசப் ஜான் தாம்சன் என்ற பிரிட்டிஷ் இயற்பியல் வல்லுனர் ஒரு வெற்றிடமுள்ள குழாயில் மின்னோட்டம் கொண்ட இரு உலோகத் தகடுகள் இடையே செல்லும் கதிர்களைப் பற்றிய ஆராய்ச்சியில் ஈடுபட்டார். அப்போது மிகவும் இலகுவான எதிர் மின் ஆற்றல் கொண்ட துகள்கள் அக்கதிர்களில் இருப்பதைக் கண்டார். அந்த துகள்களை அவர் எலெக்ட்ரான் எனறார். இவை அணுக்களின் ஒரு அங்கம் என்ற முடிவுக்கு வந்தவர் இதைக் கொண்டு அணுவுக்கு ஒரு மாதிரியை (Model) வடிவமைத்தார். உண்மையான அணு அமைவுக்கு இது முற்றிலும் மாறுபட்டுக் காணப்பட்டாலும் இது மற்ற விஞ்ஞானிகளின் ஊக்கத்திற்கு வழிவகுத்தது. இதன் மூலம் அணுக்கள் பல கூறுகளைக் கொண்டது என்ற ரூட்ஜர் கருத்து மேலும் வலுப்பட்டது.

ஜான்சனின் அணுவின் கட்டமைப்பை விளக்கும் மாதிரிகள்

ஜான்சன் ஒரு தர்பூசினிப் பழத்தை இரண்டாக வெட்டி அதிலுள்ள விதைகளை எதிர் மின் ஆற்றல் கொண்ட எலெக்ட்ரான்களுக்கு ஒப்பிட்டார். உள்ளே உள்ள பழத்தின் மற்ற சதைப்பற்றை அவர் நேர் மின்சக்தி கொண்ட பொருட்கள் என்பது அவர் முடிவாகும். அணுக்குளே இருக்கும் உட்கருவைப் பற்றி அவருக்கு ஏதும் தெரிந்திருக்கவில்லை.

ஏர்னெஸ்ட் ரூதர்போர்டு: இவர் ஒரு நியூஜிலாந்தில் பிறந்து கேம்பிரிட்ஜில் பயின்ற பிரிட்டிஷ் விஞ்ஞானி ஆவார். இவர் தாம்சனின் மாணாக்கரும் கூட. இவர் மெலிதான தங்கத் தகடுகளில் ஆல்ஃபாக் கதிர்களை மோதவிட்டு தகட்டின் மறுபக்கம் கதிர்கள் வெளியேரும் விதத்தை ஆராய்ந்தார். பெரும்பாலான கதிர்கள் தகட்டின் வெளிப்புறம் தங்குதடையின்றி வரவே தங்க அணுக்கள் பெரும்பாலும் வெற்றிடத்தைக் கொண்டுள்ளது எனக் கண்டறிந்தார். ஆனால் சில கதிர்கள் ஒரு சுவற்றில் மோதிவிட்டுத் திரும்பும் பந்தைப்போல் திரும்பி வருவதைக் கண்டறிந்தார். இதன் மூலம் ரூதர்போர்டு அணுக்களுக் குள்ளே ஏதொ சக்திவாய்ந்த ஒரு திடப்பொருள் இருக்கவேண்டும் என்ற முடிவுக்கு வந்தார். கி.பி 1911ல் இவர் அத்திடப் பொருளுக்கு உட்கரு (Nucleus) எனப் பெயரிட்டார். இந்த மிகச் சிறிய உட்கருதான் ஒரு அணுவின் மொத்த நிறையையும் உள்ளடக்கிய நேர் மின் ஆற்றல் கொண்ட மிகவும் சக்தி வாய்ந்த ஒரு துகள் என்பது இவரது ஆய்வின் முடிவுகும்.

ரூதர்போர்டின் ஆராய்ச்சி ரூதர்போர்டின் அணு அமைப்பின் மாதிரி

இருந்த போதிலும் ரூதர்போர்ட் கோட்பாடு ஒரு அணுவில் எலெக்ரான்களின் உண்மையான அமைவைப் பற்றி ஏதும் விளக்கவில்லை.

நீல்ஸ் பேகர் (Niels Bohr):

ஆனால் ரூதர்போர்டுடன் இணைந்து பணியாற்றிய டென்மார்க்கைச் சேர்ந்த இயற்பியல் விஞ்ஞானி நீல்ஸ் பேகர் என்பவர் அணுவில் எலெக்ட்ரான்கள் ஒவ்வொன்றும் அதற்கென் உருவாக்கிக் கொண்ட ஒரு நிலையான பாதையில் உட்கருவைச் சுற்றி வருகின்றன என்றார். இவர்தான் முதன் முதலில் சூரியனைக் கிரகங்கள் சுற்றி வருவதுபோல் எலெக்ட்ரான்கள் அணுவின் உட்கருவைச் சுற்றி வருகின்றன என்றார். இவரது அணு அமைப்பின் மாதிரியும் முழுமையான வடிவத்தை எட்டவில்லை என்ற போதிலும் இவரது அந்த கச்சா வடிவத்தின் பின்னாலுள்ள யோசனை, உண்மை நிலையைப் பிரதிபலிப்பதாக இருந்தது.

The planetary model for the atom, with which Niels Bohr started quantum mechanics, is a view of the atom still held by much of the public.

கி.பி 1924ல் எலெக்ட்ரான்களின் தன்மை பற்றி மேலும் ஆராய்ந்த பிரஞ்சு விஞ்ஞானி லூயிஸ் டி பிராலி (Louis de Brogaile) என்பவர் எலெக்ட்ரான்களுக்கு அலைபாயும் தன்மை உண்டு என்றார். இப்படி யானையைப் பார்த்த குருடர்கள் கதையாக வளர்ந்த எலெக்ட்ரான் களின் அமைவியல், எர்வின் சுரோடிங்கர், உல்ப்காங் பாலி, ஆகிய ஆஸ்திரிய நாட்டு விஞ்ஞானிகளுடன் மாக்ஸ் போர்ன், வேர்னர் ஐசன்பேர்க் போன்ற ஜெர்மானிய விஞ்ஞானிகளின் கூட்டு முயற்சியால் எலெக்ட்ரான்களின் சரியான வடிவமைப்பைப் கொண்ட மாதிரியை கி.பி 1928ல் வெளியிட்டனர்

அணுவின் வடிவமைப்பு கடந்து வந்த பாதை

மீண்டும் சந்திப்போம்….

அணுசக்தி பிறந்த கதை-3

2011-09-01T23:30:00.001+05:30

மாமனாம் திருமாமன் தனஞ்சயனாம் திருத்தந்தை – வானோர்க்கெல்லாம்

நாயனாம் பிதாமகன் மற்றும் ஒருகோடி நண்பர்கள் அன்பாய் வந்தும்

சேயனாம் அபிமன்யு செயத்ரதன் கைப்படுவான் செயற்கை வெவ்வேறு

ஆயனான் அவ்வினையை வெல்லும் வகை யார் வல்லரோ.

உலகைக் காக்கும் கடவுள் கண்ணபிரான் இவன் தாய் மாமன்! வில்லுக்கு விஜயனான அர்ஜுனன் இவன் தந்தை! தேவலோகத்திற்கு அதிபதியான இந்திரன் இவன் தாத்தா! ஆயிரம் யானைகள் பலம் கொண்ட பீமசேனன் இவன் பெரியப்பா! பல அக்ரோணி சேணைகளுக்குத் தலைவர்களும் கோடிக்கணக்கான வீரர்கள் உடன் இருந்தும் என்ன பயன்? சிந்து நாட்டின் அரசனான செயத்ரதன் இதோ இவனைக் கொன்று வீழ்த்தி விட்டான். விதியை வெல்ல யாரால் முடியும்? என்று யுத்தகளத்தில் வீழ்ந்து கிடக்கும் அபிமன்யூவைப் பற்றி வில்லிபுத்தூரார் வர்ணிக்கிறார்!

எப்படிப்பட்ட பலம் பொருந்திய வீரானாயிருந்தாலும் அவனுக்கும் பலம் பலவீனம் என்று இருக்கத்தான் செய்யும். சக்கர வியூகத்தை உடைத்து உள்ளே புகுந்து செல்லும் வல்லமையுடைய அபிமன்யூவுக்கு அதிலிருந்து வெளியே வரும் யுக்தி தெரியாது. இந்த பலவீனத்தைப் பயன்படுத்தி அவனது எதிரிகள் அவனை யுத்தத்தில் வீழ்த்துகிறார்கள்! அந்த யுக்தியை கிருஷ்ணன் அர்ஜுனனுக்கு உபதேசித்தபோது சுபத்திரை வயிற்றில் கருவாயிருந்த அபிமன்யூ அதை உற்றுக் கேற்பதை அறிந்த கிருஷ்ணன் அன்று உபதேசத்தை நிறுத்தி விட்டு மறுநாள் சுபத்திரை இல்லாத சமயத்தில் அர்ஜுனனுக்கு அதை உபதேசித்தாராம்.

செயத்ரதன் தலையை எவன் மண்ணில் வீழ்த்துகிறானோ அவன் தலை சுக்கு நூறாய் வெடித்துச் சிதறும் என்பது புத்திர பாசத்தால் அவன் தந்தை பெற்ற வரம். எனவே எந்த அரசனும் செயத்ரதனை எதிர்த்து போரிடவே நடுங்குவர். யுத்தத்தில் அவன் தலையைப் பாணத்தால் சிதைத்த அர்ஜுனனை அருகிலிருந்த வனத்தில் தவம் செய்யும் செயத்ரதன் தந்தை கைகளில் விழுமாறு செய்ய ஏவுகிறார் கிருஷ்ணன். தன் கைகளில் விழுந்த செயத்ரதன் தலையை அவன் தந்தை அலறிப்புடைத்து மண்ணில் உருட்ட, வரம் பெற்றவர் தலையே வெடித்துச் சிதற, செயத்ரதன் பழிவாங்கப்பட்டான்.

எதிரில் நிற்கும் எதிரியின் பலத்தில் பாதியை உறிஞ்சி விடும் சக்தி வாலிக்கு உண்டு. எனவே அவனை யாராலும் யுத்தத்தில் வெல்ல முடியவில்லை. சுக்ரீவனோடு சண்டையிடும் வாலியை ராமன் அவனுக்கு எதிரில் வராமல் மறைவிலிருந்து பாணத்தை விட்டுக் கொன்றான்!

வசிஷ்டர் கொடுத்த மாம்பழத்தை இரு மனைவியர் பகிர்ந்து உண்டதால் பாதிப் பாதி பிண்டமாகப் பிறந்த ஜராசந்தன் பிறகு ஒன்றாய் ஒட்டிக் கொண்டு மகாவீரனாகி கிருஷ்ணனுக்கு ஜென்மப் பகைவனாகத் திகழ்ந்தான். மல்யுத்தத்தில் பீமன் கிருஷ்ணன் சமிக்‌ஷைப்படி அவனை இரு கூறாகப் பிளந்து கால் மாறு தாலை மாறாகப் போட்டுவிட, மீண்டும் ஒட்ட முடியாமல் ஜராசந்தன் மடிந்தான்.

இறுதிக் கட்டப் போரில் ராம பாணங்கள் ராவணன் தலையை அரிந்து தள்ளத் தள்ள மீண்டும் மீண்டும் ராவணன் தலைகள் முளைத்த வண்ணமிருந்தன. விபீஷ்ணன் மூலம் ராவணன் உயிர் நாடியை அறிந்துகொண்ட ராமன் கடைசியில் அவன் நெஞ்சில் பாணத்தை விட ராவணன் மடிந்தான்.

கிருஷ்ணர் துரியோதணன் பலம் அவன் தொடையில் இருப்பதை பீமனுக்குச் சொல்ல அவன் கதாயுதத்தால் துரியோதணன் தொடையில் அடித்து அவனை வீழ்த்தினான்.

இப்படி ஒரு எதிரியை நாம் வீழ்த்த வேண்டுமானால் அவன் பலம் மற்றும் பலவீணத்தை முதலில் நன்கு அறிந்துகொள்ள வேண்டும் பிறகு அவனை எங்கு தட்டினால் எப்படி வீழ்வான் என்பது நமக்கு அத்துபடியாகும்.

இந்த யுக்தியைப் பயன்படுத்தித்தான் நமது விஞ்ஞானிகளும் அணுவை பிளக்கும் சூட்சுமத்தைக் கண்டறிந்தார்கள். ஆனால் இந்த அணுக்களின் பண்புகளையும் குணாதிசயங்களையும் பற்றி நன்கு அறிந்து கொள்ள நம் விஞ்ஞானிகளுக்குத் தேவைப்பட்ட காலம் ஒன்று இரண்டு ஆண்டுகள் அல்ல. கிட்டத்தட்ட இது ஒரு 200 ஆண்டு கால விடா முயற்சிக்குக் கிடைத்த வெற்றி எனலாம். நூற்றுக்கு மேற்பட்ட விஞ்ஞானிகள் இரவென்றும் பகல் என்றும் பாராமல் உழைத்த உழைப்புக்குக் கிடைத்த வெற்றி இது!

கி.பி 1700களின் முற்பாதி வரை அணுவியல் கோட்பாடுகள் எதுவுமே உருக்கொள்ளவில்லை. ஏனெனில் பௌதீக கோட்பாடுகளே அறிவியலில் பிரதானம் என்ற நிலையிருந்த கால கட்டம் அது. அந்நிலை மாறி வேதியல் கோட்பாடுகளும் அறிவியலில் முக்கியத்துவம் பெற தொடங்கிய பின்னரே அணுவியல் கோடுபாடுகளும் உருவாயின. கி.பி 1700களின் கடைசிக் காலகட்டத்தில் வேதியல் விஞ்ஞானிகள் இரண்டு வெவ்வேறு வகையான தனிமங்களைச் சேர்த்து ஒரு கூட்டுப் பொருளை உருவாக்க முடியுமா என்ற ஆராய்ச்சியில் ஈடுபட்டனர். முடிவில் அந்தச் சேர்க்கை அந்தத் தனிமங்களின் ஒரு நிலையான விகிதத்தில் அவற்றின் நிறை அல்லது பொருள் திணிவின் (Mass) அளவைப் பொருத்து ஒரு கூட்டுப் பொருள் உருவாகும் என்று கண்டறிந்தனர். இதன் விளைவாக கி.பி 1803ல் ஜான் டால்டன் என்ற பிரிட்டிஷ் வேதியல் விஞ்ஞானி தனது முதலாவது அணுக்கொள்கையை அறிவித்தார். அது முதல் கி.பி 1942ல் அமெரிக்க நாட்டின் சிக்காகோ பல்கலைக் கழகத்தில் இத்தாலிய விஞ்ஞானி என்ரிகோ பெர்மி நிகழ்த்திய முதல் அணுவெடி பரிசோதனை வரை கிட்டத் தட்ட 150 ஆண்டுகள் இந்த வெற்றிக்குத் தேவைப்பட்டன.

இப்போது அணுக்களின் பண்புகளையும் அதன் குணாதிசயங்களையும் பற்றிப் பார்ப்போம்.

அணு எண் ( Atomic Number): ஒரு அணுவிலுள்ள புரோட்டான்களின் மொத்த எண்ணிக்கையைத்தான் அந்த அணுவின் அணு எண் என்கிறோம். ஒரு தனிமத்தில் உள்ள எல்லா அணுக்களிலும் புரோட்டான்களின் எண்ணிக்கை ஒரே மாதிரியாகத்தான் இருக்கும். அதேபோல் ஒரு தனிமத்தின் அணு எண் வேறு எந்த ஒரு தனிமத்திற்கும் இருக்கவே இருக்காது. உதாரணமாக ஹைட்ரஜன் அணு புரொட்டனின் எண்ணிக்கை ஒன்றே ஒன்றுதான். எனவே ஹைட்ரஜனின் அணு எண் 1. இதே போல் ஒவ்வொரு தனிமத்திற்கும் அதன் புரொட்டன்களின் எண்ணிக்கையைப் பொறுத்து வேவ்வேறு எண்ணிக்கையிலான அணு எண்கள் இருக்கும். ஹீலியம்-2, லித்தியம்-3, பெரிலியம்-4, போரான்-5, கார்பன்-,6 பாஸ்பரஸ்-15, பிஸ்மத்-83 யுரேனியம்-92. புளூட்டோனியம் 94 என அணு எண்கள் பலவாறு இருக்கும். பிஸ்மத் அணு எண்ணுக்கு மேற்பட்ட அணு எண் கொண்ட தனிமங்களை நம்மால் பரிசோதனைக் கூடங்களில் கூட உருவாக்க முடியும். இந்த அணு எண்களின் வரிசைப்படிதான் தனிமங்களின் வரிசைப் பட்டியலில் (Periodic Table) அவற்றை நாம் வரிசைப்படுத்தி இருக்கிறோம். இதன் மூலம் அடுத்தடுத்த அணு எண் கொண்ட தனிமங்களின் குணாதிசயங்களில் உள்ள ஒற்றுமைகளை வைத்து மேலும் பல குடும்பங்களாக அவற்றை நாம் வகைப்படுத்த முடிகிறது.

அணு நிறை எண் (Atomic Mass Number): ஒரு அணுவின் உட்கருவிலுள்ள புரோட்டான் மற்றும் நியூட்ரான்களின் கூட்டுத் தொகைதான் அந்த அணுவின் அணு நிறை எண்.

Magnesium atomic structure: Atomic Mass Number - 24

உதாரணமாக மெக்னீசியம் உட்கருவில் 12 புரொட்டான்களும் 12 நியூட்ரான்களும் உள்ளன. எனவே அதன் அணு நிறை எண் 24.

ஒரு தனிமத்தில் உள்ள எல்லா அணுக்களிலும் புரோட்டான்களின் எண்ணிக்கை ஒரே மாதிரியாகத்தான் இருக்கும் எனப் பார்த்தோம். ஆனால் நியூட்ரான்களின் எண்ணிக்கையோ அப்படி அல்ல. ஒரு சில தனிமங்களின் அணுக்களில் நியூட்ரான்களின் எண்ணிக்கை இயல்பை விட கூடுதலாகவோ குறைவாகவோ இருப்பதும் உண்டு. இவ்வாறு இயல்புக்கு மாறான எண்ணிக்கையில் நியூட்ரான்களைக் கொண்ட தனிமங்களை நாம் ஐசடோப்பு என அழைக்கின்றோம்.

உதாரணமாக சாதரண ஹைட்ரஜன் அணுவின் உட்கருவில் ஒரே ஒரு புரோட்டான் மட்டுமே இருக்கும். ஆனால் டியூட்டெரியம் என்ற ஹைட்ரஜன் ஐசடோப்பில் ஒரே ஒரு புரொடானுடன் ஒரு நியூட்ரானும் உள்ளது. மற்றொரு ஐசடோப்பு டிரைட்டியம் இரண்டு நியூட்ரான்களைக் கொண்டிருக்கின்றது. ஆனால் இதிலும் ஒரே ஒரு புரொட்டான் மட்டுமே இருப்பதால் இதையும் ஹைட்ரஜனின் ஐசடோப்பு என்கிறோம்.

ஹைட்ரஜனின் ஐசடோப்புகள்

1.Protium (Hydrogen) 2. Deuterium 3. Tritium

நியாயமாகப் பார்த்தால் இந்த மூன்றையும் நாம் மூன்று வெவ்வேறு தனிமங்களாகத்தான் பாவிக்க வேண்டும். ஆனால் ஒரே ஒரு புரொட்டான் ஹைட்ரஜனுக்கே உள்ள பண்பு. ஆகையால் ஒரே அணு எண் கொண்ட டியூட்டெரியம், டிரைட்டியம் இரண்டையும் நியுட்ரான்களின் வேறுபாடு காரணமாக ஹைட்ரஜன் என்று அழைக்க முடியாததால் இவற்றை நாம் ஹைட்ரஜனின் ஐசடோப்பு என்ற பெயரில் அழைக்க வேண்டியதாகிறது.

புரொட்டான் + நியூட்ரான் = அணு நிறை எண் எனும்போது நியூட்ரான்களின் இந்த கூடுதல்/குறைவு காரணமாக இந்த மூன்று தனிமங்களின் அணு நிறை எண்ணும் வித்தியாசமாயிருக்கும். இவ்வாறு ஒரு தனிமத்தின் அணு எண்ணுக்கும் அணு நிறை எண்ணுக்கும் உள்ள வேறுபாடுதான் ஒரு தனிமத்தின் ஐசடோப்புகளைக் கண்டறிய நமக்கு உதவுகின்றன.

அடுத்ததாக அணு நிறை எண் அதிகம் கொண்ட யுரேனியத்தின் ஐசடோப்புகளைப் பற்றிப் பார்ப்போம். நமக்கு இயற்கையில் கிடைக்கும் யுரேனியம் இருவகை ஐசடோப்புகளாகக் கிடைக்கின்றன.

அணு எண் 92 + 143 நியூட்ரான்கள் = அணு நிறை எண் 235 கொண்ட யுரேனியத்தை நாம் U-235 என அழக்கிறோம்.

92 + 146 = 238 எனக் கிடைக்கும் யுரேனியத்தை நாம் U-238 என்கிறோம்.

யுரேனியத்தின் ஐசடொப்புகள் U-235 & U-238

அணு எடை (Atomic weight): நாம் முதலில் பார்த்த அணு எண் வேறு. இப்போது பார்க்கும் அணு எடை வேறு. அணு எடை என்பது ஒரு அணு இயல்பு நிலையில் அந்த அணுவிலுள்ள புரொட்டன், நியூட்ரான் மற்றும் எலெட்ரான்கள் நிறைகளின் மொத்தக் கூட்டுத் தொகையாகும். நாம் ஏற்கனவே எலெட்ரான்களின் நிறையைப் பற்றிப் பார்த்திருக்கின்றொம். ஒரு உட்கருவுடன் ஒப்பிடும் போது ஒர் எலெக்ட்ரானின் நிறை அதில் வெறும் 1/4300 பங்குதான். எனவே எணு எடைக்கும் அணு நிறை எண்ணுக்கும் பெரிய வித்தியாசம் ஒன்றுமில்லை. ஏறக்குறைய இரண்டும் சமம் எனலாம். ஐசடோப்புகள் உள்ள தனிமங்களுக்கு நாம் அணு எடையைக் காண முக்கியமான ஐசடோப்புகளின் அணு நிறை எண்களின் கூட்டுத் தொகையைக்கு சராசரியைக் கணக்கிட வேண்டும். உதாரணமாக யுரேனியத்தின் அணு எடை என்பது 238+235/2=236.5+92/4300=236.521395 amu. (இங்கு 92 என்பது யுரேனியத்தின் எலெக்ரான்களின் எண்ணிக்கை)

அணு எடையை நாம் amu (electronic mass unit) என்ற அலகில் குறிப்பிடுகின்றோம். இதையே ஒரு டால்டன் என்கின்றோம். இதையே கிராமில் சொல்வதானால் ஒரு கிராமை 602 பில்லியன் ட்ரில்லியனால் வகுக்க வரும் எடை ஆகும்!

அணுக்களின் மின் ஆற்றல்: நாம் பொதுவாக அணுக்களை சமநிலை மின்னோட்டம் (Electrically Neutral) கொண்டவையாகக் கருதினாலும் சில சமையங்களில் ஒரு அணு வேறு அணுக்களுடன் மோதும் போதோ இராசயண வினைபுரியும் போதோ வெளி அடுக்கில் உள்ள எலெக்ட்ரான்கள் எண்ணிக்கையில் ஒன்றை பெறவோ இழக்கவோ நேரிடும்.

அப்போது மின்னோட்டம் கொண்ட ஒரு புதிய அணு உருவாகும். இதை நாம் அயனி (ion) என்றும், இந்த நிகழ்வை அயனிமயமாக்கல் (Ionization) என்றும் அழைக்கிறோம். இந்த நிகழ்வின் போது ஒரு அணு ஒரு எலெக்ட்ரானை இழக்க நேர்ந்தால் இழந்த அயனியை நேர்மின் அயனி என்றும், பெறும் அயனியை எதிர் மின் அயனி என்றும் அழைகின்றோம்.

அணுக்களின் கதிரியக்கத் தன்மை: ஒருசில அணுக்களின் உட்கரு இயற்கையிலேயே மாறும் தன்மை கொண்டவையாக் இருக்கும். இவ்வாறான அணுக்களை நாம் கதிரியக்கத் தன்மை (Radioactive) கொண்டவை என்கிறோம். இந்த மாற்றம் என்பது அணுவின் உட்கருவில் இரண்டு வகைகளில் நிகழ்கின்றது

1. ஒரு அணுவின் புரோட்டான் மற்றும் நியூட்ரான்களின் இயல்பான எண்ணிக்கையில் ஏற்படும் மாற்றம் கரணமாக உருவாகும் கதிரியக்கமாகும். அணுவின் உட்கருவில் இவ்வாறான மாற்றம் நிகழும்போது அதிலிருந்து ஆல்பா (alpha) அல்லது பீட்டா (beta) துகள்கள் அடங்கிய கச்திர்வீச்சு வெளிப்படும். இவ்வகைக் கதிவீச்சு மனிதன் உட்பட அனைத்து உயிரினங்களையும் அதிகம் பாதிக்கும்.

2.இரண்டாவது வகைக் கதிர்வீச்சு உட்கருவில் புரொட்டான் + நியுட்ரான் கட்டமைப்பில் (arrangements) ஏற்படக்கூடிய மாற்றம் காரணமாக நிகழ்வது. இத்தகைய நிகழ்வின் போது வெளிப்படும் கதிர்வீச்சை காமா கதிர்கள் (Gamma rays) என்கிறோம்.

Carbon isotopes

யுரேனியம் U-235, U-238 ரேடியம் Ra-226 போன்றவை கதிரியக்கம் அதிகம் கொண்ட தனிமங்களாகும். அணு எண் 83ஐக் கொண்ட பிஸ்மத் தனிமத்தை விட அதிக அணு எண் கொண்ட அனைத்து தனிமங்களுமே கதிவீச்சுத் தன்மை கொண்டவைகளே. இலகுவான் குறைந்த அணு எண் கொண்ட ஒரு சில தனிமங்களின் ஐசடோப்புகளுக்கும் இக்கதிவீச்சுத் தன்மை உண்டு. உதாரணம் ஹைட்ரஜனின் டியூட்டெரியம், மற்றும் கார்பன்-14.

ஒரு அணுவின் இத்தகைய இயற்கைக்கு மாறான பண்புகளை வைத்துத்தான் ஒரு எதிரியை வீழ்த்தப் பயன்படுத்திய அதே யுக்தியைக் கொண்டு இந்த அணுக்களையும் பிளக்க நாம் வழி வகை கண்டறிந்தோம்.

நாம் பெரும்பாலும் தனிமங்களைப் பூமியின் பாறைகளை அகழ்ந்து அதிலுள்ள கனிமங்களில் இருந்துதான் பெறுகிறோம். படிகப்பாறைகள் எரிமலைக் குழம்பு குளிர்ந்து இருகிய நிலையில் உருவனவை. எனவே லட்சக்கணக்காண ஆண்டுகளுக்கு முன் உருவான பாறைகளிலிருந்து பெறப்படும் ஒரு தனிமத்திற்கும் சமீப காலங்களில் உருவான பாறைகளிலிருந்து பெறப்படும் அதே தனிமத்திற்குமான பண்புகளில் சிறிதளவு வித்தியாசம் இருக்கவே செய்யும். ஐசடொப்புகள் உருவாக இத்தகைய பண்புகளே காரணம் எனலாம். லட்சக்கணக்கான ஆண்டுகட்கு முன்பு உருவான பாறைகளிலிருந்து பெறப்பட்ட யுரேனியம் U-238 நிலைத்த தன்மையுடையதாகவும் அதன் அணுக்களை அவ்வளவு எளிதில் பிளக்க முடியாத குணத்துடனும் விளங்குகின்றது. ஆனால் வயது குறைந்த பாறைகளில் இருந்து பெறப்படும் யுரேனியமானது இன்னும் U-238 போன்று அந்தப் பக்குவ நிலையை அடையததால் இது நிலையற்ற தன்மையுடையதாகவும் இதன் அணுக்கள் எளிதில் பிளவுறும் தன்மை (fission) கொண்டதாகவும் இருக்கின்றது. எனவேதான் இந்த (Fissile) வகை U-235 யுரேனியத்தை நாம்மால் எளிதில் பிளக்க முடியுமாதலால் இதுதான் எரிப்பதற்கு ஏற்ற அணு எரிபொருள் வடிவம் ஆகும். எனவேதான் அணு வெடி சோதனைகளுக்கு இதனையே நாம் அதிகம் பயன் படுத்துகின்றோம். இவை பெரும்பாலும் அதிகம் கதிர்வீச்சுத் தன்மை உடையவை.

-மீண்டும் சந்திபோம்.......

அணுசக்தி பிறந்த கதை-2

2011-08-31T11:59:00.000+05:30

அணுவின் அமைப்பு: உலகின் சின்னஞ் சிறிய பொருள் அணு என்று நாம் கூறினாலும் அந்த அணு மூன்று உட்பொருள்களால் ஆனது என்றால் ஆச்சர்யமாய் இருக்கிறதல்லவா? புரோட்டான், நியூட்ரான் மற்றும் எலெக்ட்ரான் என்ற மூன்று மூலக்கூறுகளைத்தான் அணுவைக் கட்டமைக்கும் உட்பிரிவு அணுத் துகள்கள் (Sub atomic particle) என்று நாம் அழைகிறோம்.

இந்த மும்மூர்த்திகளில் புரோட்டான், நியூட்ரான் இரண்டும் கூட்டணியாக இணைந்து பின்னிப் பிணைந்து எலெக்ரான்களிலிருந்து வெகுதூரம் விலகி அணுவின் மையத்தில் அணுவின் உட்கரு (Nucleus) என்ற பெயரில் குடிகொண்டுள்ளது. எலெக்ட்ரான் எனப்படும் இந்த மின்னனு உட்கருவை அசுர வேகம், மின்னல் வேகம் என்ற வார்த்தைகளில் அடங்காத பத்துலட்சத்தில் ஒரு பங்கு வினாடியில் ஒரு சுற்று என்ற அதிசயிக்கத்தக்க வேகத்தில் சுற்றி வருகின்றன.

எலெக்ட்ரான்களின் இந்த சுழற்சி வேகம்தான் அணுவுக்கு முட்டை ஓடு போன்ற ஒரு வெளிப்புறத் தோற்றத்தை அளிக்கின்றது. இன்னும் விளக்கமாகச் சொல்ல வேண்டும் என்றால் ஒரு ஹைட்ரஜன் அணுவின் விட்டம் 6 கி.மீ அகலம் என்று கற்பனை செய்து கொண்டால் அதன் மையத்தில் ஒரு டென்னிஸ் பந்தின் அளவுதான் ஹைட்ரஜன் அணுவின் உட்கரு இருக்கும். இந்த உட்கருவிலிருந்து 3 கி.மீ அப்பால் சுற்றி வரும் எலெட்ரான்கள்தான் அணுவுக்கு ஒரு திடத்தோற்றத்தைத் தருகின்றது. எலெக்ட்ரான்களுக்கும் உட்கருவுக்கும் இடைப்பட்ட தூரம் எதுமேயற்ற ஒரு வெற்றிடம்! ஆனால் எலெக்ட்ரான்களின் சுழற்சியினால் உருவாகும் இந்த மாயச் சுவரைக் கடந்து இந்த சூன்யத்துற்குள் எதுவுமே நுழைந்து விட முடியாது. எப்படி ஒரு மின் விசிறி சுழலும் போது ஒரு பென்சிலை இறக்கைகளின் சுழற்சியில் நுழைத்தால் உட்செல்ல முடியாதோ அப்படித்தான் அணுவுக்குள்ளும் எந்த ஒரு சக்தியும் நுழைய முடியாது.

அணுவின் இந்த அமைப்பை சூரிய குடும்பத்தோடும் ஒப்பிடுவதுண்டு. அணுவின் உட்கருவை சூரியன் என்று வைத்துக் கொண்டால் எலெக்ரான்கள் தான் கிரகங்கள் ஆகும். ஆனால் கிரகங்கள் ஒரு குறிப்பிட்ட பாதையில் சுற்றிவருவது போல் அணுவின் உட்கருவை எலெக்ட்ரான்கள் சுற்றுவதில்லை. அப்பாதையைக் கண்காணிப்பது என்பதும் அவ்வளவு சுலபமில்லை. மேலும் அணுவின் உட்கருவில் புரோட்டான்களும் நியூட்ரான்களும் ஒரே இடத்தில் நிலை கொள்ளாமல் இடம் மாறி மாறி நகர்ந்து கொண்டே இருக்கும்.

ஒரு அணு நிறையின் (Mass) பெரும் பங்கு அதன் உட்கரு எனலாம். ஏனெனில் எலெக்ரான்கள் வெகு இலகுவான நிறையுடையது. ஒரு புரோட்டான் 1836 எலெக்ரான்களின் நிறை கொண்டது. ஒரு நியூட்ரான் 1839 எலெக்ரான்களின் நிறை கொண்டது என்றால் ஒரு எலெக்ரானின் நிறையை நாம் ஒருவாறு யூகிக்கலாம். ஒவ்வொரு புரோட்டானும் ஒரு யூனிட் நேர் மின் சக்தியைக் கொண்டிருக்கும். ஒவ்வொரு எலெக்ட்ரானும் ஒரு யூனிட் எதிர்மின் சக்தியைக்கொண்டிருக்கும். நியூட்ரான்கள் மின்னோட்டம் எதுவுமே இல்லாத சமநிலை யுடையவை ஒரு அணுவில் புரொட்டான்களின் எண்ணிக்கையும் எலெக்ட்ரான்களின் எண்ணிக்கையும் பெரும்பாலும் சமஅளவில் இருப்பதால் அணுக்களும் சமநிலை மின்னோட்டம் (Electrically Neutral) உள்ளவை எனலாம்.

ஒரு அணுவுடன் ஒப்பிடும்போது ஒரு புரொட்டானும் நியூட்ரானும் லட்சத்தில் ஒரு பங்கு சிறியவைகள். இந்த புரொட்டானும் நியூட்ரானும் கூட மேலும் சின்னஞ் சிறிய குவார்க்ஸ் எனப்படும் நுண்துகள்களால் ஆனவை.

ஆனால் எலெக்ட்ரான்கள் அப்படி அல்ல. இவைகள் எந்த ஒரு நுண்துகள் களாலும் ஆனவை அல்ல. எலெக்ரான்களின் நிறையோ வெகு சொற்பமே என்றாலும் எலெக்ட்ரான்கள் எதிர்மின் சக்தி கொண்டவைகள் என்பதால் அது உட்கருவால் ஈர்க்கப்படுகின்றது. எதிர் மின்னோட்டம் கொண்ட எலெக்ட்ரான் கள் உட்கருவிலிருந்து விலகிச் செல்லவே முயலும். முடிவில் அதனதன் ஈர்ப்பு சக்தியால் சூரியனை கிரகங்கள் சுற்றிவருவது போல் எல்லா எலெக்ட்ரான்களும் உட்கருவைச் சுற்றி வலம் வருகின்றன. இதில் அதிக எதிர்மின் சக்தி கொண்ட எலெக்ட்ரான்கள் உட்கருவிலிருந்து நம் யுரேனஸ் கிரகத்தைப்போல் வெகுதூரம் விலகியும் குறைந்த சக்தி கொண்ட எலெக்ட்ரான்கள் உட்கருவின் அருகில் புதன் கிரகத்தைப்போல் பல்வேறு அடுக்குகளில் (Shell) சுற்றி வருகின்றன.

இயல்பு நிலையில் எந்த பாதிப்புக்கும் ஆட்படாமல் உள்ள அணு ஒரு பெட்டிக்குள் கிடக்கும் பட்டாசைப் போல் அடங்கிக் கிடக்கும் (Inert Stage). பட்டாசின் திரியில் ஒரு நெருப்புப் பொறி பட்டவுடன் அது வெடித்துச் சிதறு வது போல் அணுக்களும் ஏதாவது ஒரு வகையில் பாதிப்புக்கு உள்ளாகும் போது அவைகளும் வெடித்துப் பிளவுறும். இந்த அணுப்பிளவின் போது வெளிப்படும் அபரிமித சக்தியைத்தான் அணுசக்தி என்கிறோம். கண்களால் பார்க்கக் கூடிய திரியை நம்மால் எளிதில் பற்ற வைக்க முடியும். ஆனால் கண்களுக்கே புலப்படாத அணுக்களை எப்படிப் பற்ற வைத்துப் பாதிப்புக்கு உள்ளாக்குவது? ஆனாலும் கண்களுக்கே புலப்படாத இந்த அணுக்களையும் பிளந்து அதன் உள்ளே புகுந்து சாதித்துவிட்டான் மனிதன்!

இங்குதான் மனிதனின் மூளை எத்தகைய அபார சக்தி வாய்ந்தது என்பதை நம்மால் உணர்ந்து கொள்ளமுடிகிறது.

சந்திப்பு மீண்டும் தொடரும்

தீர்ப்புகள் திருத்தப்படவேண்டும்

2011-08-30T22:14:00.002+05:30

‘தேரா மன்னா! செப்புவது உடையேன்;

எள் அறு சிறப்பின் இமையவர் வியப்ப,

புல் உறு புன்கண்தீர்த்தோன்; அன்றியும்,

வாயில் கடைமணி நடு நா நடுங்க,

ஆவின் கடை மணிஉகு நீர் நெஞ்சு சுட, தான் தன்

அரும்பெறல் புதல்வனை ஆழியின் மடித்தோன்

பெரும் பெயர் புகார் என் பதியே;'

என்று கண்ணகி நீதிக்காக பாண்டிய மன்னனிடம் நின்ற காட்சிதான் இன்று சென்னை உயர்நீதி மன்றத்தில் எந்த வழக்கிற்குமில்லாத வகையில் அதி முக்கியம் வாய்ந்த வழக்காக பேரறிவாளன், முருகன், சாந்தன் ஆகியோர் தூக்குத் தண்டனை வழக்குக் கட்சிகள் நம் கண் முன்னே விரிந்து நிற்கிறது!

கோவலன் கொலையுண்ட நாளைப் போல் தமிழர் வரலாற்றில் ஒரு கறை படிந்த நாளாக மாற இருந்த செப்டம்பர் 9 தற்காலிகமாக வேறு ஒரு நாளுக்குத் தள்ளிப் போயிருக்கிறது.

ஆராயாமல் சொன்ன ஒரு தவறான தீர்ப்பிற்காக பாண்டிய மன்னன் ’யானே கள்வன்’ என்று தன் உயிரையே போக்கி பரிகாரம் கண்டான் அன்று!

தன் தேர்க் காலில் ஒரு பசுவின் கன்றைக் கொன்ற பாதகத்திற்கு தன் ஒரே மகனை மகன் என்றும் பாராமல் அதே தேர்க்காலில் அவனைப் பலிகொடுத்து தன் அரண்மனை ஆராய்ச்சி மணியை அடித்த ஒரு பசுவிற்கே நீதி வழங்கி நீதியை நிலைநாட்டினான் மாமன்னன் மனுநீதிச் சோழன்.

இந்த மண்ணுக்கே உரிய அந்தப் பெருமையை நிலைநாட்ட இன்று ஒட்டு மொத்த தமிழகமும் திரண்டு நீதிகாகப் போராடியிப்பது பெருமைக்குறிய விஷயம்.

மாமன்னன் மனுநீதிச் சோழன் சிலையைத் தாங்கி நிற்கும் சென்னை உயர்நீதி மன்றமோ ஓரளவு நீதியை நிலைநாட்டி தன் பெருமையை உயர்த்திக் கொண்டுள்ளது.

‘தேரா மன்னா!’ (ஆராயாமல் தீர்ப்பளித்த மன்னனே!) என்று எடுத்த எடுப்பிலேயே மன்னன் என்றும் பாராமல் பாண்டியனை நோக்கி கண்ணகி தன் சுட்டு விரலை நீட்டினாள் என்றால் தன் கணவன் கள்வன் அல்ல என்ற நீதியை நிலை நாட்டவேண்டும் என்ற வெறி அவளுள் எவ்வளவு கனன்று கிளர்ச்சி பெற்றிருக்க வேண்டும்?

அந்த வெறியை இன்று ஒட்டு மொத்த தமிழகத்தின் சுட்டு விரல்களும் புதுடில்லியை நோக்கி நீண்டதைக் கண்கூடாகக் காண முடிந்து.

தமிழர் பிரதிநிதிகளால் முன்மொழியபட்டு இன்று புதுடில்லியில் ஜனாதிபதி மாளிகையை அலங்கரிக்கும் மான்புமிகு குடியரசுத் தலைவி அவர்கள் பதவியேற்றவுடன் சென்னைக்கு வந்து தமிழர்களுக்கு ந்ன்றி சொன்னது உண்மையெனில் தாங்கள் வழங்கிய தீர்ப்பை திருத்தி எழுதுவார்கள் என நம்பலாம். நம்புவோம். இதன் முதல்படியாக மான்புமிகு தமிழக முதல்வர் அவர்கள் அம்மூவர் தண்டனையையும் ஆயுள் தண்டணையாக மாற்றக்கோரி இன்று ஏகமனதாகத் சட்டப்பேரவையில் தீர்மானம் நிறை வேற்றியிருப்பது ஒட்டு மொத்த தமிழர்களின் உள்ளங்களையும் பிரதிபலிப்பதாக உள்ளது. ஆனல் மத்திய சட்ட அமைச்சர் சல்மான் குர்ஷித் அவர்களோ இத்தீர்மானம் யாரையும் கட்டுப்படுத்தாது என்று கூறியிருந்தாலும் இதில் அவ்வளவாக நாம் கவலைப்பட ஒன்றுமில்லை.

ஏனெனில் இதே போன்றதொரு சூழல் கேராளாவில் 1957ல் கம்னியுஸ்ட் கட்சி தோழர் சி.கே பாலன் அவர்கள் மரண தண்டனை வழக்கிலும் நிலவியது. ஈ.எம் எஸ் நம்பியூதிரிபாடு அவர்கள் அமைச்சரவையில் உள்துறை மந்திரியாயிருந்த கே.வி கிருஷ்ணய்யர் அப்போது மத்திய உள்துரை அமைசராயிருந்த கோவிந்த வல்லப பந்த் அவர்களோடு போராடி சி.கே பாலனை தூக்கு மரத்தின் நிழலிருந்து மீட்டார் என்பது வரலாறு. இந்த பாலன் முன்பே மாநில ஆளுநருக்கு வேண்டுகோள் விண்ணப்பம் அனுப்பியிருந்தார். அது மறுக்கப்பட்டது. பிறகு குடியரசுத் தலைவருக்கு அனுப்பினார். அதுவும் மறுக்கப்பட்டது.

இதே கிருஷ்ணய்யர் பின்னர் உச்ச நீதிமன்ற நீதிபதியாகவும் இருந்தார். அவரிடம் உள்துறைக்குப் பொறுப்பு வகிக்கும் அமைச்சர் என்ற முறையில் இந்த வழக்கு வர அவர் ஆளுநரின் பார்வைக்கு அனுப்பின்னார். பாலனின் மரண தண்டனை குறைக்கப்பட வேண்டும் என்று எழுதி அனுப்பினார். இதற்கிடையில் தில்லியிலிருந்து கடிதம் வந்தது. பாலனின் கருணை மனுவைக் குடியரசுத் தலைவர் முன்பே நிராகரித்து விட்டதால் ஆளுநர் இதனை மறுபரிசீலனை செய்ய முடியாது. அவருக்கு அந்த அதிகாரம் கிடையாது என்று! ஆனாலும் போராட்த்தில் இறுதியில் வென்றது கிருஷ்ணய்யர்தான். அதே போல் நமது முதல்வர்கள் அவர்களும் சாதிப்பார்கள் என உறுதியாக நம்பலாம்.

“ஆயிரம் குற்றவாளிகள் சட்டத்தில் உள்ள ஓட்டைகள் வழியாக தப்பி விடலாம். ஆனால் ஒரே ஒரு நிரபராதி சட்டத்தினால் தவறாக தண்டிக்கப்பட்டு விடக்கூடாது” என்பது தான் நீதியின் தாரக மந்திரம் என்றால் என்னை நிபந்தனையின்றி விடுவியுங்கள்” என்று வாதிட்டவர் கே.வி பாலன் அவர்கள். அதன் எதிரொலிதான் வழக்கிலிருந்து விடுதலையாக பிற்காலத்தில் அவருக்கு உதவியது. அவரும் விடுதலையாகி ‘தூக்கு மரத்தின் நிழல்’ என்ற தன் சுயசரிதத்தை நுலாக எழுதி பல காலம் வாழ்ந்தார்.

’குடையொடு கோல் வீழ நின்று நடுங்கும்

கடை மணியின் குரல் காண்பெண்-காண் எல்லா!

திசை இரு-நான்கும் அதிர்ந்திடும்,

கதிரை இருள் விழுங்கக் காண்பெண்-காண் எல்லா!

விடும் கொடிவில் இர; வெம்பகல் வீழும்

கடுங் கதிர் மீன்; இவை காண்பெண்-காண் எல்லா!’

என்ற கண்ணகியின் சாபத்திற்கு மதுரை இலக்கானாது போல் தமிழர்களின் சாபத்திற்கு ஆட்பட புதுடில்லி விரும்பாது என நம்புவோம். தூக்குக் கயிற்ரை முத்தமிட இருந்த மூவரையும் சி.கே பாலனை விடுதலை செய்தது போல் விடுதலை செய்யும் என்ற நம் நம்பபிக்கை வீண் போகாது!

திருவனந்தபுரம் பத்மநாபசுவாமி கோயில் – நிலவரை ரகசியம்

2011-08-26T17:06:00.003+05:30

மெகனாஸ் கோல்டு, மாண்டி கிரிஸ்டோ கோமான், புதையல் தீவு (Treasure Island) போன்ற மேலைநாட்டுக் கதைகள் அக்காலத்து கடல் மாலுமிகளின் பயண அனுபவங்களிலிருந்து பிறந்தவைகள். அவைகள் பெரும்பாலும் கட்டுக்கதைகள் என்றே நம்பப்படுகிறது. ஏனென்றால் கதைகளில் சொல்லப்படும் அளவிற்கு ஒரே இடத்தில் பொற்குவியல்கள் இருப்பதாக கற்பனையில்தான் வர்ணிக்க முடியும்.

தங்கத்தாலான மகா விஷ்னு சிலை


கிருஷ்ணர் சிலை

திருவனந்தபுரம் ஸ்ரீஅனந்த பத்மநாபசுவாமி கோயில் இன்று உலகத்தின் கவனத்தையே தன் பக்கம் ஈர்த்துள்ளது. இக்கோயில் பாதள அறைகளில் கண்டுபிடிக்கபட்ட அரிய பொற்குவியல் பற்றிய சமீபகாலச் செய்திகள் மேற்சொன்ன கதைகளில் உண்மை இருக்குமோவென நினைக்கச் செய்கிறது. கோயில் பாதாள அறைகளில் இருப்பது தங்கச் சுரங்கமா? தங்க ஆபரணச் சுரங்கமா? பொன்மலையா? என்று மலைக்க வைக்கிறது. வார்த்தைகளில் அடக்க முடியாத அளவிற்கு நம்மைப் பிரமிப்பின் உச்சத்தில் கொண்டு நிறுத்தியுள்ளது. இந்த செல்வக் குவியல்களை மேற்சொன்ன கதைகளோடு ஒப்பிடவே முடியாது . ஏனெனில் அவைகளை மிக மிகச் சாதாரணமாக்கி விட்டார் பத்மநாபசுவாமிகள்.

மேலும் அக்கதைகள் பெரும்பாலும் இந்தியாவை மையபடுத்தித் தான் இருக்கும் எனவும் நம்ப இடம் இருக்கிறது.

கஜினிமுகமது குஜராத் சோமநாதபுரம் ஆலயத்தை 17 முறை படையெடுத்து வந்து சூறையாடிச் சென்றுள்ளார். அங்குள்ள விக்கிரகங்களை குதிரைகள் மீதும் யானைகள் மீதும் ஏற்ற முடியாமல் கோயில் முற்றங்களில் போட்டு உடைத்து துண்டு துண்டுகளக்கி ஏற்றியுள்ளனர். தங்கத்தாலான கருவறை மூலவர் விக்கிரகத்தை உடைக்க மாதக் கணக்கில் ஆனதாம். இதையெல்லாம் உணர்ந்துதான் பத்மநாபசுவாமிகள் திருவுருவச் சிலையை திருவாங்கூர் சமஸ்தான மன்னர்கள் தங்கத்தால் உருவாக்கினாலும் மூலவர் மேனியைக் கருங்கல் திருப்பணி செய்து மறைத்துள்ளனர்.

கஜினிமுகமதுவுக்குப் பின்னால் வந்த அலாவுதீன் கில்ஜியின் படைத் தளபதி மாலிக்காபூர் தங்க வேட்டைக்காக ராமேஸ்வரம் வரை வந்தவர் கலிங்கத்துப் பரணியில் ஜெயங்கொண்டார் வர்ணிப்பது போல்

‘எழுந்தது சேனை யெழலு மிரிந்தது பாரின் முதுகு
விழுந்தன கானு மலையும் வெறுந்தரை யான திசைகள்.

அதிர்ந்தன நாலு திசைகள் அடங்கின ஏழு கடல்கள்
பிதிர்ந்தன மூரி மலைகள் பிறந்தது தூளி படலம்.

என எதிர்பட்ட நாடு நகரங்கலையெல்லாம் துவம்சம் செய்து விட்டுத் திரும்பினார்.

டெல்லி சுல்த்தான்களுக்குப் பின்னால் வந்த மொகலாயர்கள் போரிட்ட நாடுகள் மற்றும் சிற்றரசர்களிடமிருந்து செல்வங்களைக் கவர்ந்தாலும் நம் நாட்டிலேயே கோட்டை கொத்தளங்கள், தாஜ்மகால் போன்றவற்றைக் கட்டினர்.

ஆரம்பதில் சொன்ன ஆங்கிலக் கதைகளின் கர்த்தாக்களான ஐரோப்பியர்களோ ரிஷிமூலம் நதிமூலம் அறிந்து கடைசியாக இந்தியாவிற்கு வந்தவர்கள் இங்கே உள்ள மதிப்பு மிக்க செல்வங்கள் அனைத்தையும் அள்ளிக் கொண்டு சென்றனர். வாஸ்கோடகாமா கள்ளிக்கோட்டையைச் சுற்றியுள்ள காடுகளில் நூற்றாண்டுகள் பல கண்ட வைரம் பாய்ந்த மரங்களையெல்லாம் வெட்டி எடுத்த போது நம்மவர்கள் அவர்கள் மரங்களை வெட்டப் பயன்படுத்திய கருவிகளைக் கண்டு மெய்மறந்து நின்றனர்! விளைவு அடுத்த இரு நூறு ஆண்டுகளில் நமது அடிமைச் சருக்கம் ஆரம்பமாகி அது 1947 ஆகஸ்டு 15 வரை நீடித்தது.

லண்டனில் திப்புசுல்தான் வைரவாள், தங்க சிம்மாசனம் போன்ற அரிய வகைக் கலைச் செல்வங்கள் கோடிக்கணக்கான ரூபாய் வரை ஏலம் போனது. இன்னும் போகிறது. பிரிட்டிஷ் அரசியின் கிரீடத்தை அலங்கரிக்கும் கோகினூர் வைரம் போன்று மேலை நாடுகளின் அருங்காட்சியகங்கள் பலவற்றை அலங்கரிக்கும் அத்தனை பொக்கிஷங்களும் நம்மவர்களை வஞ்சித்து, ஏமாற்றி, ஈட்டி முனையில் கவர்ந்து செல்லப்பட்டவைகளே!

சரித்திரம் கடந்து வந்த பாதையில் இத்தனை இடையூறுகளையும் தாண்டி இந்தப் பொக்கிஷங்களையெல்லாம் இன்று வரை பாதுகாத்து வந்த திருவாங்கூர் ராஜ வம்சத்தின் பெருமையை எவ்வளவு பாராடினாலும் தகும். இதன் மூலம் அவர்கள் புகழ் உயர்ந்து கொண்டிருப்பதில் வியப்பில்லை..

18 அடி நீளத்தில் அனந்த சயனம் கொண்டுள்ள மூலவர் பதம்நாப சுவாமியை கோவில் கர்ப்பகிரகத்திலுள்ள 3 வாயில்கள் வழியே பகுதி பகுதியாகத்தான் பார்க்க முடியும். 100 அடி உயரத்தில் அகண்ட 7 நிலைகளாக காட்சிதரும் கோவில் ராஜகோபுரம் திருவாங்கூர் சமஸ்தான ஆதித்தவர்ம மகாராஜாவால் கி.பி 1566ல் அடிக்கல் நாட்டப்பட்டு மார்தண்டவர்ம ம்காராஜவால் 260 ஆண்டுகளுக்குமுன் புனரமைத்து கும்பாபிஷேகம் செய்யப்பட்டது.

கிழக்குக் கோட்டை வாயிலுக்கு உட்புறமாக ஸ்ரீரங்கம் ரங்கநாதர், திருவள்ளுர் வீரராகவர், திருவெட்டார் ஆதிகேசவப் பெருமாள் கோயில்களில் இருப்பது போல் முலவர் இங்கும் ஐந்து தலை அனந்தத்தின் (நாகம்) மீது சயனம் கொண்ட நிலையில் காட்சிதருகிறார். கேரள பாணி திராவிடக் கலையழகுடன். மிளிரும் இத்திருத்தலம் இந்தியாவில் உள்ள 108 விஷ்ணு திருத்தலங்களில் ஒன்று. இங்குள்ள சுவர் ஓவியங்களும், கற்சிற்பங்களும் உலகப்பிரசித்தி பெற்றவை.

தங்க, வைர, வைடூரியத்தால் இழைக்கப்பட்ட நகைகள், பானைகள், குடங்கள் அபூர்வ தங்க நாணயங்கள், தங்க கட்டிகள் பூஜைப் பொருட்கள், நவரத்தினக் கற்கள், தங்கத்தாலான ஒரு அடி உயரமுள்ள மஹா விஷ்னு சிலை (உற்சவரின் நகல்), 30 கிலோ எடையில் தங்க அங்கி, 5 கிலோ எடையில் கிருஷ்ணர் சிலை மற்றும் கலைப்பொருட்கள் என பட்டியல் நீளும் அளவிற்கு பொற்குவியலோ குவியல்!

பொன்னாபரணங்கள், ஆரங்கள், மாலைகள் போன்றவற்றின் பல பெயர்கள் இன்று வழக்கொழிந்து விட்டன. உலகில் எந்த இடத்திலும் இவ்வளவு தங்க ஆபரணப்புதையல் இருப்பதாகத் செய்தி இல்லை.

நாடு சுதந்திரத்திரம் அடைந்த சமயம் பிரிட்டிஷ் ஆட்சிக்கு உட்படாமல் சிதறிக் கிடந்த 600 சுதேச சமஸ்தானங்களை இந்திய யூனியனுடன் ஒருங்கிணைத்த இந்தியாவின் இரும்பு மனிதர் சர்தார் வல்லபாய்படேல் அப்போது திருவாங்கூர் சமஸ்தானத்தின் மன்னராயிருந்த சித்திரைத் திருநாள் பலராமவர்மரிடம் எவ்வளவு மானியம் வேண்டும் என்று கேட்டபோது, மன்னர் எங்களுக்கு மானியம் எதுவும் வேண்டாம். பத்மநாபசுவாமி கோவிலை மட்டும் எங்கள் கட்டுப்பாட்டில் விட்டு விடுங்கள் போதும் என்று கேட்டுக் கொண்டாராம். நேர்மை மிக்க மன்னரின் வேண்டுகோளுக்கிணங்க சர்தார் வல்லபாய்படேல் அளித்த உறுதி மொழியின்படி மன்னர் குடும்பத்தின் ஆதிக்கத்தில் இன்று வரை இத்திருக்கோயில் உள்ளது.

திருவாங்கூர் மன்னர்களின் அன்பளிப்புகள், தங்கள் தவறுகளுக்கு பிராயச் சித்தமாக செலுத்திய பொற்காசுகள், பிறநாட்டு மன்னர்களின் பரிசுப் பொருட்கள், பிற நாடுகள் மீது படையெடுத்தபோது கவர்ந்த பொக்கிஷங்கள், பொருட்கள் போன்றவற்றிற்கு பிரயசித்தமாக கோவிலுக்குக் கொடுத்த காணிக்கைகள், மன்னர்கள், ஆங்கில அதிகாரிகள், பிரபுக்கள் போன்றோர் தங்கள் வேண்டுதல்கள் நிறைவேறிய போது துலாபாரம் மூலம் செலுத்திய காணிக்கைகள், பக்தர்களின் காணிக்கைகள் என பல நூறு ஆண்டுகளாக சேர்ந்த பொக்கிஷங்கள் அனைத்தும் கோவில் நிலவரைகளில் பாதுகாத்து வைக்கப்பட்டன. இதிலிருந்து ஒரு பொற்காசு கூட அரசாங்க கஜானாவிற்கு சென்றதில்லை!

வழக்கறிஞர் சுந்தரராஜன் என்பவர் தொடுத்த வழக்கில் நிலவறையின் ஆறு அறைகளிலுள்ள உள்ள பொக்கிஷங்களை மதிப்பீடு செய்து கணக்கெடுக்கும்படி உச்ச நீதிமன்றம் பிறப்பித்த உத்திரவின்படி ஏழு பேர் கொண்ட ஒரு குழு தற்போது நகைகளை மதிப்பீடு செய்து வருகிறது. A, B, C, D, E, F என்று பெயரிடப்பட்ட ஆறு அறைகளில் B தவிர மற்ற 5 அறைகளும் திறக்கப்பட்டு விட்டன. 150 வருடக்களாக திறக்கப்படாத A, B அறைகளில் எஞ்சியுள்ள B அறையைத் திறக்க ஆலோசனை நடைபெற்று வருகிறது. இதுதான் கோவிலின் பொற்களஞ்சியம் என்கிறார்கள்.

இந்நிலையில் மன்னர் குடும்பத்தினர் பழங்கால சம்பிரதாயப்படி தேவ பிரசன்னம் பார்த்து B அறையைத் திறந்தால் இயற்கை சீற்றமும் நாட்டுக்கே பெருங்கேடுகளும் விளையும் என்றும் அதைத் திறப்பவர்கள் குடும்பம் அழியும் என எச்சரித்துள்ளனர். இந்த வழக்கைத் தொடுத்த வழக்கறிஞர் சுந்தரராஜன் சமீபத்தில்தான் அகால மரணமடைந்தார்.

எந்த ஒரு காரியம் செய்வதென்றாலும் அதைத் தொடங்குவதற்கு முன் இறைவனின் அனுமதியைக் கேட்கும் வகையில் தேவவாக்கு பெற்ற பின்பே அக்காரியத்தை தொடங்க வேண்டும் என்பது மன்னர் குடும்பத்துச் சம்பிரதாயம். வெற்றிலை, சோழி, கண்ணாடி போன்றவற்றைப் பயன்படுத்தி தேவ பிரசன்னம் பார்க்கும் ஜோதிட நிகழ்ச்சி சமீபத்தில் நடந்தது. நடவடிக்கை களின் போது தெரிந்த சகுணங்களை முன்வைத்து புராதன விதிகளின் படி ஜோதிடக் கணிப்பு நடத்தப்பட்டது. ஆரூடத்தில் பொக்கிஷத்தின் மதிப்பீடுகளை வெளிடக் கூடாது என்றும் கோவிலுக்குத் தொடர்பில்லாத தேவைகளுக்கு பொக்கிஷத்தைப் பயன்படுத்தக் கூடாது என்பதும் தேவ பிரசன்னம் மூலம் தெரியவந்ததாகச் சொல்லப்படுகிறது.

இதன் உட்பொருள் நகைகள் பற்றிய முழு விவரமும் வெளி உலகுக்கு பகிரங்கப் படுத்தினால் அதன்பின் அவைகளைப் பாதுகாப்பது பெரும் பிரச்சினை என்பது மன்னர் குடும்பத்தின் கவலை. கோவிலுக்கு என்னதான் கட்டுக் காவல்கள் போட்டலும் அத்தனையும் தகர்த்து ஜேம்ஸ்பாண்ட் பாணியில் உள்ளே சென்று விடுபவர்களும் இருக்கிறார்கள். போலிகளை வைத்துவிட்டு அசலை எடுத்துச் சென்று விடும் செல்வாக்கு பெற்றவர்களும், சாமர்த்திய சாலிகளும் இருக்கத்தான் செய்கிறார்கள். இப்போதே கோவில் பொற்காசுகளை விற்றதில் முறைகேடுகள், இந்நாள் முன்னாள், கோவில் நிர்வாகிகள், ஊழியர்கள் போன்றோர் நிலவரையிலிருந்து தங்கத்தைக் கடத்துவதாகவும், ஏற்கனவே கடத்தியிருப்பதாகவும் புகார்கள் வந்த வண்ணம் உள்ளன. சிபிஐ விசாரணை வேண்டும் என்றும் கோரிக்கைகள் எழுந்துள்ளன.

இந்நிலையில் மன்னர் குடும்பத்தின் சார்பில் உச்சநீதிமன்றத்தில் கோவில் சொத்துக்களை புகைப்படம் எடுக்கவும் வீடியோ பதிவு செய்யவும் அனுமதிக்கக் கூடாது எனவும், கோவில் ஆசார வரை முறைகளில் 6வது அறை முக்கிய பங்கு வகிக்கிறது என்றும், எனவே அதைத் திறக்கக் கூடாது என்றும் மனு தாக்கல் செய்துள்ளனர். மதிப்பீட்டுக் குழுவினரும் கோர்ட்டின் வழிகாட்டுதலுக்காக காத்திருக்கிறர்கள்.

கேரள முன்னாள் முதல்வர் அச்சுதானந்தன் அவர்களோ பொற்குவியலை மன்னர் குடும்பத்தினர் எடுத்துச் செல்வதற்காகத்தான் இப்படி புரளியைக் கிளப்புகிறார்கள் என்றும் தேவ பிரசன்னத்தில் உண்மை இல்லை என்றும் மறுத்துள்ளார். ஏற்கனவே கோவிலுக்கு நாள்தோறும் தரிசனத்திற்குச் செல்லும் மன்னர் உத்திராடம் திருநாள் மார்த்தாண்டவர்மர், ஒருநாள் பாயாச பிரச்சாதம் எடுத்துச் செல்லும் பத்திரத்தில் தங்க நகைகள் இருந்ததைப் பார்த்துவிட்ட பூசாரியை அவர் வெந்நீர் ஊற்றி கொல்ல முயன்றதாக புகார் வந்திருப்பதாகவும் முன்னாள் முதல்வர் கூறியுள்ளார்.

எல்லாம் அறிந்த பத்மநாபசுவாமிகள் தான் நமக்கு உச்ச நீதிமன்றத்தின் மூலம் உண்மையை வெளிச்சத்துக்கு கொண்டுவர வேண்டும்.

அணுசக்தி பிறந்த கதை-1

2011-08-19T20:32:00.007+05:30

ஏப்ரல் 1986ல் ரஷ்யாவில் செர்னோபில் அணு உலை, மார்ச் 2011ல் ஜப்பான் ஃபுகுஷிமா டாய்ச்சி அணு உலை, என அணு உலைகளில் ஏற்படும் தொடர் விபத்துகளால் கதிகலங்கிப் போயுள்ளது கூடங்குளம் கிராமம். தாங்கள் எந்நேரமும் ஊரைக் காலி செய்ய நேருமோவென்ற அச்சம் மக்களை வாட்டி வதைக்கின்றது. ரஷ்ய உதவியுட்ன் அங்கு நிறுவப்பட்டு வரும் அணுமின் நிலையத்தின் முதல் பிரிவில் உற்பத்தி தொடங்க இருக்கின்றது. இரண்டாவது உலைக்கான பணிகள் ஆரம்ப கட்டத்தில் உள்ளன. அணு உலைகளின் பாதுகாப்பு குறித்துக் கவலை கொண்டுள்ள மக்கள் அணு உலைக்கு எதிர்ப்பு தெரிவித்து வருகின்றனர். தங்கள் வாழ்விடங்கள் பறிபோய் விடுமோ என்ற பதைபதைப்பில் பீதியின் காரணமாக கூடங்குளம் சுற்று வட்டார கிராம மக்கள் கடந்த 10 தினங்களாக உண்ணாவிரதம், சாலைமறியல் என பல்வேறு போரட்டத்தில் ஈடுபட்டு வருகின்றனர். அதிகாரிகளுடன் நடத்திய பேச்சு வார்த்தையில் ஏற்பட்ட உடன்பாடு காரணமாக தற்காலிகமாகப் போரட்டத்தை நிறுத்தியுள்ளனர்.

செர்னோபில் சிதைவுகள்

எனவே அணுசக்தி, அணு உலை, அணு குண்டு சமாச்சாரங்களைப் பற்றிய சில அடிப்படை தகவல்களை நாம் தெரிந்து கொள்வது நமக்கு அவைகளைப் பற்றிய விழிப்புணர்வை ஏற்படுத்துவதுடன் பிறருடன் இத்தகவல்களைப் பகிர்ந்து கொள்வது நம்மை நாமே அவசர காலங்களில் பாதுகாத்துக் கொள்ளவும் பிரச்சினகளை எதிர்கொள்ளவும் உதவும்.

சுனாமியின் போது ஃபுகுஷிமா டாய்ச்சி அணு உலை, ஜப்பான்

.நாம் ஒரு கட்டிடத்தை எழுப்ப செங்கற்களைப் பயன்படுத்துவது போல் இப்பிரபஞ்சத்தின் எந்த ஒரு ஜீவராசியும் செல் என்ற அடிப்படை அலகைக் கொண்டே உருவாகின்றது. எந்த ஒரு ஜடப்பொருளும் ஒரு சின்னஞ் சிறு அணு என்கிற அலகை அடிப்படையாகக் கொண்டே கட்டமைக்கப்படுகின்றது. அணு ஒரு உரோமத்தின் பருமனில் 10 லட்சத்தில் ஒரு பங்கு அளவிற்கு மிக மிகச் சிறியதான துகள்! ஒரு சாதாரண நுண்ணோக்கி மூலம் ஒரு ஊசி முனைப் புள்ளியில் ஒரு கோடி அணுக்களை நாம் காணமுடியும்.

ஒரு அணுவின் கட்டமைப்பு

இரசாயணக் கோட்பாடுகளின்படி ஒவ்வொரு பொருளின் அணுவும் அதற்கென ஒரு தனித் தன்மை கொண்டவை. அப்படி ஒரே தன்மை கொண்ட பலகோடி அணுக்கள் சேர்ந்து உருவாகும் ஒரு இரசாயணப் பொருளை நாம் தனிமம் (element) என்கிறோம். உதாரணமாக ஹைட்ரஜன், ஆக்சிஜன், இரும்பு, ஈயம், செம்பு, துத்தநாகம் மற்றும் யுரேனியம் போன்றவைகள் தனிமங்கள் ஆகும்.

எனவே ஒவ்வொரு தனிமத்திற்கும் ஒரு அடிப்படைத் தன்மை கொண்ட அணுக்களே அதற்கான செங்கற்கள் எனலாம்! ஒன்றுக்கு மேற்பட்ட தனிமங்கள் சேரும்போது ஒரு புதிய கூட்டுப்பொருள் (compound) உருவாகிறது. உதாரணமாக நாம் அருந்தும் நீரைச் சொல்லலாம். ஹைட்ரஜன் அணுக்களும் ஆக்ஸிஜன் அணுக்களும் சேர்ந்து நீர் உருவாகின்றது.

நீரின் மூலக்கூறு ((H2O)

நீரை உருவாக்கப் பயன்படும் ஹைட்ரஜன், ஆக்ஸிஜன் அணுக்களின் சேர்மம் ஒன்றுக்கு ஒன்று என்ற சரி விகிதத்தில் இல்லாமல் சற்று வித்தியாசமான தாயும், சிக்கல் நிறைந்த அம்சமாகவும் உள்ளன. அணு எடை வித்தியாசம் காரணமாய் இரண்டு ஹைட்ரஜன் அணுக்கள் ஒரே ஒரு ஆக்ஸிஜன் அணுவுடன் இணைந்து நீரை (H2O) உருவாக்குகின்றன. ஒன்றுக்கு மேற்பட்ட தனிமங்கள் சேர்வதால் உருவாகும் இந்த சேர்மத்தின் அடிப்படை அலகை நாம் நீரின் மூலக்கூறு (Molecule) என்கிறோம்.

ஒவ்வொரு தனிமங்களின் அணு எடையைப் பொறுத்தவரை அதிக வித்தியாசம் காணப்படும் அளவிற்கு அதன் பருமனைப் பொறுத்தவரை குறுக்களவில் அதிக வித்தியாசம் ஏதும் இல்லை. ஏறக் குறைய அணுக்கள் யாவுமே ஒரே குறுக்களவைக் கொண்டுள்ளன. உதாரணமாக இவ்வுலகில் அதிக அணு எடை கொண்ட தனிமமான யுரேனியத்தின் அணு எடையானது ஹைட்ரஜன் அணு எடையை விட 200 மடங்கு அதிகம்! ஆனால் யுரேனிய அணுவின் குறுக்களவோ ஹைட்ரஜன் அணுவின் குறுக்களவை விட 3 மடங்கே அதிகம்!

யுரேனிய அணுவின் அமைப்பு

ஹைட்ரஜன் அணுவின் அமைப்பு

கடுகு சிறுத்தாலும் காரம் குறையாதென்பார்கள். அணுதான் இப்பிரபஞ்சத்தின் மிக மிகச் சின்னஞ் சிறிய பொருள். ஆனால் அதன் சக்தியும் வீரியமும் மிக மிகப் பெரிய அளவிலானது. அணுவில் பொதிந்துள்ள ஆற்றலின் (energy) அளவோ அளவிட முடியாத அபரிமித சக்தியாகும்! குதிரையை வசப்படுத்த நாம் சேணம் பூட்டி அதைக் கட்டுப்படுத்துவது போல் அளப்பரிய அணுவின் ஆற்றலையும் கட்டுப்படுத்தி நம் தேவைக்குப் பயன்படுத்த நம் விஞ்ஞானிகள் வழிவகைகள் கண்டுள்ளனர்.

மீண்டும் அணுசக்தி பிறந்த கதை-2ல் சந்திப்போம்!

சென்னை புதிய தலைமைச் செயலகம்

2011-08-07T21:19:00.015+05:30

‘சென்னைக் கோட்டையில் புல் வெட்ட வேண்டும் என்றாலும், புதுடெல்லியில் இராணுவத்திடம் அனுமதி பெறவேண்டும்’ என்ற நம் அரசியல் தலைவர் களின் மனக்குறையே நாளடைவில் இந்த நிலைப்பாடை மாற்றியாக வேண்டும் என்ற குறிக்கோளில், தமிழகத்திற்கென்று ஒரு புதிய சட்டமன்றக் கட்டிடம் உருவாக்கும் லட்சியமாக மலர்ந்து மக்கள் மனதிலும் மிகுந்த எதிர்பார்ப்பை உருவாக்கியது. கோட்டையில் போதிய இடவசதியின்மை, மிகப் பழைமையான கட்டிடம், தமிழக அரசுக்குச் சொந்தமான இடத்தில் இல்லாது இராணுவத்திற்குச் சொந்தமான இடத்தில் இருப்பது போன்ற அசௌகரியங்கள் மேற்சொன்ன எண்ணத்திற்கு வலு சேர்த்து அதற்கான இடம் தேடலுக்கு வித்திட்டது

புரட்சித் தலைவர் எம்.ஜி.ஆர் அவர்கள் ஆட்சிக் காலத்தில்தான் புதிய சட்டசபைக் கட்டிடத்தை நிர்மாணிப்பதற்கென்று ஒரு இடம் தேடல் ஆரம்பமானது. அவர் காலத்தில் சென்னையில் பொருத்தமான ஒரு இடத்தை அடையாளம் காணமுடியாமல் அவர் தலைநகரையே திருச்சிக்கு மாற்றி விடலாமா என்ற அளவிற்கு விவாதம் வளர்ந்து அவரது அளப்பரிய ஆசை ‘எக்ஸ்பிரஸ் அவின்யூ’ போன்ற ஒரு தோற்றப் பொலிவில் சென்னையில் நமக்கு அமைய இருந்த திட்டம் கருக்கொள்ள முடியாமல் முடிவில் அத்திட்டமே கிடப்பில் போடப்பட்டது.

தனது அரசியல் ஆசான் எம்ஜிஆர் அவர்களின் எண்ணத்தை ஈடேற்று முகமாக புரட்சித்தலைவியின் கடந்த அண்ணா திராவிட முன்னேற்றக் கழக ஆட்சிக் காலத்தில், மீண்டும் புதிய சட்ட சபைக் கட்டிடம் கட்ட பொருத்தமான இடம் தேடல் சென்னை யில் தொடங்கியது. எண்ணிய எண்ணத்தை நிறைவேற்றுவதில் உறுதி கொண்ட அவர் பலவித இடையூறுகளைச் சந்திக்க நேர்ந்த போதும் சளைக்கவில்லை. ஆனாலும், கடைசியில் அரசியல் குறுக்கீடுகளுக்கு அடிபணிய வேண்டிய நிர்பந்தம் காரணமாக அவரது ஆசையும் நிராசையானது.

தமிழக அரசின் புதிய தலைமைச் செயலகம், கர்நாடக மாநிலத்தின் விதான் சவுதாவை விஞ்சும் வகையில் அமையுமா? பிரேசில் பராளுமன்றத்தைப் போல் ஒரு அதிநவீன மாட மாளிகையாக மலருமா? என்ற மக்களின் மிகுந்த எதிர்பார்ப்பும் ஏக்கமும் கடைசியில் ஏமாற்றத்தில் முடிந்தன.

விதான் சௌதா

பிரேசில் பாரளுமன்றம் இரவில்

இறுதியில் சென்ற கலைஞர் ஆட்சிக்காலத்தில் சட்டசபைக் கட்டிடத்திற்கான ஏற்பாடுகள் முனைப்புடன் செயல்படுத்தப்பட்டு அந்தக் கனவுகள் ஒருவழியாக நனவாகி, சட்டசபைக் கட்டிடமும் வேகமாக வளர்ந்து வந்த நிலையில், திட்டமிட்ட கட்டுமானப் பணிகள் முழுவதுமாக முடிக்கப்படாத நிலையில் சென்ற 2010ம் ஆண்டு மார்ச் 13ல் சட்டசபைக் கட்டிடம் மட்டும் நமது பிரதமர் அவர்களால் திறப்பு விழா நடத்தி முடிக்கப்பட்டது.

இருந்த போதும் கட்டிடத்தின் அமைப்பு, செலவினங்களில் முறைகேடுகள் நடந்துள்ளதாகவும், ஒரு வரலாற்றுச் சிறப்புமிக்க கட்டிடம் இப்படி அவசரகதியில் கட்டித் திறக்கப்ட பட வேண்டிய அவசியம் என்ன? என்பது போன்ற விமர்சனங்கள் அப்போதே பலத்த சர்ச்சையை ஏற்படுத்தியது.

அதோடு இப்போது தேர்தல் முடிந்து புதிய ஆட்சி மலர்ந்த நிலையில் பழைய அரசியல் காரணங்களும் சேர்ந்து கொள்ள புதிய சட்டசபை கட்டிட விவகாரம் நீதி விசாரணைக்கு உள்ளாகி பிரச்சினை பூதாகாரமாகி விட்டது. இன்று தமிழகத்தில் அதிகமாய் அலசப்படும் பொருள்களில் ஒன்று ஓமந்தூரார் அரசினர் தோட்டத்தில் மிகப் பிரமாண்டமாய்க் காட்சி தரும் புதிய தலைமைச் செயலகக் கட்டிடத்தின் எதிர்காலம் பற்றியதேயாகும். அண்ணாசாலை முகப்பில் உள்ளசட்டசபைக்கான கட்டிடத்திற்கு சுமார் 1092 கோடி ரூபாய் திட்ட மதிப்பில் ஏறக்குறைய பாதித் தொகை செலவிடப்பட்டு விட்டது. மேற்கொண்டும் B பிளாக் எனப்படும் செயலகக் கட்டிடத்திற்காகவும்
அடுக்கு மாடி கார் பார்க் வசதிக்காகவும் மீதித் தொகை செலவிடப்பட உள்ளது. இதில் இந்த ஆண்டுக்காகற்கு 244 கோடி ரூபாய் ஒதுக்கப்பட்டு பணிகள் நடந்து வரும் நிலையில், புதிய அரசு அனைத்துப் பணிகளையும் நிறுத்தி விட்டு, நிர்வாக வசதிக்காக பழையபடி கோட்டை சட்டமன்றக் கட்டிடத்திலிருந்து செயல்படத் துவங்கியுள்ளது.

புதிய தலைமைச் செயலகக் கட்டுமானம் குறித்து எழுந்துள்ள புகார்கள் பற்றி விசாரிப்பதற்காக நீதிபதி தங்கராஜ் தலைமையில் ஒரு நபர் விசாரணை ஆணையம் ஒன்றை தமிழக அரசு அமைத்துள்ளது

இந்நிலையில் இக்கட்டிடம் வேறு துறைகளுக்கு ஒதுக்கப்படுமா? வாஸ்து சாஸ்திரப்படி திருத்தி அமைக்கப்படுமா? அல்லது கட்டிடம் கிடப்பில் போடப்படுமா என்பதற்கெல்லாம் விடை, நீதியரசர் தங்கராஜ் அவர்கள் தனது விசாரணையை முடித்து அறிக்கை தாக்கல் செய்த பிறகுதான் முடிவாகும். அதுவரை புதிய சட்டசபை மீண்டும் கனவாகிப் போகுமோ என்ற எண்ணம் அனைவர் உள்ளங்களையும் பற்றி நிற்கிறது. இக்கட்டிடத்தின் எதிர்காலமும் கேள்விக்குறி என்றாகி நாமும் பழையபடி கனவுலகத்தில் சஞ்சரிக்க வேண்டிய நிலைக்குத் தள்ளப் பட்டுள்ளோம்.

புதிய சட்டசபைக் கட்டிடம் பலவிதமான விமர்சனங்களுக்கு ஆட்பட்டாலும் கூட கட்டிடத்திற்கு தேர்வான இடம் சாலப் பொருத்தம் என்பதில் யாருக்கும் மாற்றுக் கருத்து இருக்க முடியாது. மாநகரின் மையத்தில் சட்டசபைக்கான இடம் தேர்வாகி இருப்பதே அதற்கான முக்கியக் காரணம் எனலாம். பொதுவாக எல்லா நாடுகளிலும் அதிகார மையம் என்பது அந்நாட்டின் தலைநகரின் மையத்தில் இருப்பதே நடைமுறை.

அரசினர் தோட்டத்தில் சட்டசபைக் கட்டிடம் செயல்பட்டால் போக்கு வரத்து நெரிசல் ஏற்படும் என்பது கூட ஒருசிலரின் வாதமாக உள்ளது. சட்டசபைக் கட்டிடத்தை எங்கு கட்டினாலும் ஒரு சில ஆண்டுகளில் போக்குவரத்து நெரிசல் ஏற்படுவதைத் தவிர்க்க முடியாது. ஒரு மாநிலத்தின் அதிகார மையதைச் சுற்றித்தான் அனைத்து செயல்களும் எனும்போது போக்கு வரத்து நெரிசல் ஏற்படுவது என்பது தவிர்க்க முடியாத ஒன்று. முயன்றால் போக்குவரத்து நெரிசலைக் குறைக்க எத்தனையோ வழிகள் தென்படாமலா போகும்?

எம்.ஜி.ஆரைப் போல் தலைநகரம் மாநிலத்தின் மையமான திருச்சியில் இருப்பதுதான் பொருத்தம் என்று கருதாமல், சென்னையின் மையத்தில்தான் சட்டசபைக் கட்டிடம் அமைய வேண்டும் என்ற எண்ணம் கொண்டவர்கள் நம் புரட்சித் தலைவி அவர்கள். ஏற்கனவே சட்டசபைக்கு பொருத்தமான ஒரு இடத்தை சென்னையில்தான் அவர்கள் தேடினார்கள் என்பது கடந்த கால வரலாறு. எனவே ஓமந்தூரார் அரசினர் தோட்டம் புரட்சித்தலைவி அவர்கள் தேடலுக்கும் பொருத்தமான இடமாக அமைந்து விட்டது வரப்பிரசாதம் எனலாம். இப்பொழுது சட்டசபைக்கான இடத்தைப் பற்றிய விவாதம் தேவையற்ற ஒன்று என்ற நிலையில் கட்டிடத்தைப் பற்றி மட்டுமே பேசலாம்.

தமிழத்தின் முதல்வராக வாகை சூடிய புரட்சித்தலைவி அவர்கள் தமிழக மக்களின் எத்தனையோ ஆசைகளை நிறைவேற்ற சபதம் ஏற்றிருக்கிறார்கள். தலைநகரை புதுப்பொலிவில் காணவேண்டும் என்ற பேரவாவில் மாநகரின் அசுத்தக் கறைகளை கண்டறிய ஹெலிக்காப்டரில் வலம் வந்துள்ளர்கள்.

ஆனால் மாநகரின் மணிமகுடமாக திகழ வேண்டிய ஒரு புதிய சட்டசபைக் கட்டிடம் பற்றிய தமிழக மக்களின் மனக் குறையையும் நிச்சயம் நிவர்த்திக்க புரட்சித் தலைவி அவர்கள் தலைப்படுவார்கள் என்பதில் மாற்றுக் கருத்து கொள்ள இடம் இல்லை.

அண்ணாசாலை முகப்பிலுள்ள இப்போதைய கட்டிடம் மட்டுமே அவர்கள் மனதிற்கு ஏற்புடையதாக இல்லை என்பது மட்டும் பட்டவர்த்தனம். எனவே இக்கட்டிடத்தை சென்னையில் சர்வதேச மாநாடுகள் நடத்தும் வகையில் அரங்கத்தை மாற்றியமைக்கலாம்.
முன்பு தென்னகத்தில் சார்க் மாநாடு நடத்த மத்திய அர்சு விரும்பியபோது தென்னகத்தின் பெரிய மாநகரமாம் சென்னை யில் பொருத்தமான ஒரு இடம் இல்லாததால் சார்க் மாநாடு பெங்களூரு விதான் சௌதாவில் நடந்ததை நாம் நினைவில் கொள்ளவேண்டும். அதோடு நூலகம், கலை அரங்கம், ஏற்கனவே இங்கு செயல்பட்ட அரசு இலாக்காக்களுக்காகவும் இக்கடிடத்தைப் பயன்படுத்தலாம்.

ராணிமேரிக் கல்லூரியில் கட்டுவதற்காக புரட்சித் தலைவி அவர்கள் எண்ணத்தில் முகிழ்த்த மாளிகையை, அரசினர் தோட்டத்தில் வாலாஜா சாலையை நோக்கிய வண்ணம் தரணி போற்றும் வகையில் ஒரு வரலாறுச் சின்னமாக புதிய சட்டசபைக் கட்டிடத்தை அவர்கள் எழுப்ப வேண்டும். எஞ்சிய பணிகளை நிறைவேற்ற ஒதுக்கப்பட்ட பணத்திலேயே இதைக் கட்டி முடிக்கலாம். இது பெருவாரியான மக்களால் மகத்தான வெற்றிக் கனியை புரட்சித் தலைவி அவர்களுக்கு அளித்து ஆட்சி பீடத்தில் அமர்த்திய தமிழக மக்களுக்கு நன்றி பாராட்டுவதாக அமையும். தமிழ் கூறும் நல்லுலகில் மாமன்னன் ராஜாராஜன் பெயர் நிலைத்து நிற்பது போல் புரட்சித்தலைவிஅவர்கள் பெயரும் என்றென்றும் நிலைத்து நிற்கும் என்பதோடு வரலாற்றில் அவர்கள் பெயர் பொன் எழுத்துக்களால் பொறிக்கப்படும் என்பதில் சந்தேகம் இல்லை.

கட்டிடத்தை சங்கத் தமிழை நினைவுறுத்தும் வகையில் இரண்டு இதிகாசங்களைக் குறிக்க இரட்டைக் கோபுரமும், ஐம்பெருங் காப்பியங்களைக் குறிக்க ஐந்து நுழைவாயில்களையும் பத்துப் பாட்டைக் குறிக்க பத்து மாடிகளையும், இவ்வாறாக மற்ற இலக்கியங்களுக்கு ஏற்றவாறு வடிவமைத்துக் கொள்ளலாம். தமிழன்னையை மகிழ்விக்கும் வகையில் தமிழ் அன்னை சிலையை நுழைவாயில் முகப்பில் அமைக்கலாம். தமிழர்களுகாக தமிழ் இலங்கியங்களின் நினைவாக கட்டப்படும் இச்சட்டசபைக் கட்டிடம் தமிழகத்தின் அனைத்து தரப்பினராலும் ஏற்றுக் கொள்ளப்படும் என்பதில் ஐயமில்லை.

இதன் மூலம் சென்னை மாநகரின் மத்தியில் மதிப்பு வாய்ந்த இடத்தில் கட்டப்பட்ட கட்டிடங்கள் அனைத்தும் பயன்படுவதோடு மக்கள் வரிப்பணமும் பாழாகாமல் தவிர்க்கப்ப்டும். இதன்மூலம் ஓமந்தூரார் அரசினர் தோட்ட வளாகத்திலேயே அரசின் அனைத்து இலாகாக்களும் செயல்பட ஏதுவாகும்.

வாலாஜா சாலை முகப்பில் கட்டப்பட வேண்டிய கட்டிடத்திற்கான மாதிரி வரைபடங்கள் சில:-

A concrete solution to the Telangana Problem!

2011-07-16T19:31:00.001+05:30

The Three regions of Andhra Pradesh

Telangana problem builds very high temper and sensation again in the State. Most of the MPs and MLAs from the region resigned. Students and People resort to agitate by all means. But a solution to this burning issue does not seem nearer, if we go deep in the statement of our Union Health Minister Mr. Gulam Nabi Azad from Beijing recently. “Without a total consensus among the parties in the state assembly, the issue cannot move an inch. For the division of any state we need total consensus, like in the state assemblies of Bihar, Madhya Pradesh, Utter Pradesh for the creation of Jarkhand, Chatisghar and Utteranchal states respectively.” he said.

Mr. Azad further told that part of the difficulty in reaching a consensus was lack of a concrete solution from the B.N Srikrishna committee which submitted its report six months ago. “We were under the impression that the committee would give atleast one concrete solution. But the committee has given us six options, but not solutions. So we have to start again from zero.”

It is very clear that the center is by passing from the problem in an escape route rather than to solve it.

The six recommendations of Srikrishna committee are:-

1. Maintain status quo.

2. Bifurcation of the State into Seemandhra and Telangana; with Hyderabad as a Union Territory and the two states developing their own capitals in due course

3. Bifurcation of State into Rayala-Telangana and coastal Andhra regions with Hyderabad being an integral part of Rayala-Telangana

4. Bifurcation of Andhra Pradesh into Seemandhra and Telangana with enlarged Hyderabad. Metropolis as a separate Union Territory

5. Bifurcation of the State into Telangana and Seemandhra as per existing boundaries with Hyderabad as the capital of Telangana and Seemandhra to have a new capital

6. Keeping the State united by simultaneously providing certain definite Constitutional/Statutory measures for socio-economic development and political empowerment of Telangana region -creation of a statutorily empowered Telangana Regional Council

The commission itself has narrowed its options to three, and even the three too impotent to give a fruitful solution.

Before we analyze for any concrete solution, we must have a glimpse of our recent past history.

‘Language is closely related to culture and therefore to the customs of people. Besides, the massive spread of education and growth of mass literacy can only occur through the medium of the mother tongue’ was the main objective for the creation of linguistic states in 1956.

Andhra was created as a separate state in October 1953 and in November 1956 the Telugu-speaking Telengana area of Nizam’s Hyderabad state was merged with it to create Andhra Pradesh. The hope was that being part of a large unilingual state would cement the Telugu people culturally, politically and economically.

But to the total expectations of our Nation’s forefathers, the binding force the ‘Sundara Telugu’ fails here to unite the people of the three regions of the State even after 55 years, is a matter of concern because the States Reorganization Commission, had some reservations about the merger because of Telengana being relatively more underdeveloped, its level of development being nearly half that of the coastal districts of Andhra Pradesh.

‘Telengana’s per capita income was Rs 188 compared to Rs 292 in the coastal districts, the number of hospital beds per lakh of population was 18.6 while it was 55.6 in the coastal districts. The literacy rate in Telengana was 17.3 per cent as against 30.8 in the rest of Andhra Pradesh. Similarly, Telengana had only 9 miles of roads per 100 square miles, the comparative figure being 37 miles for coastal Andhra. Unlike coastal Andhra, Telengana’s sources of irrigation were scanty, consisting mostly of rain-fed tanks and wells’ was the picture at the time of merger.

To sort out these differences some precautionary measures were assured at that time by the pro-merger leaders to the people of Telangana for its development. These precautionary measures were ignored from the day one itself and so the problem has landed in the present situation, is now the feeling of the Telangana people.

Hence the single linguistic cultural region of Andhra Predesh is now being raged by political conflicts and sub-regional movements based on disparity in development and presumed inequality in economic opportunities - a condition in the post independence era is again surfaced. This clearly proves that the SRC’s worry on the economic conditions of the region has not improved much. Thus the linguistic aspirations become fruitless as the hungry engulfs everything!

To evolve for a concrete solution, our approach to the problem should be in the right direction taking only the justice, and the facts in mind.

Telangana was a Princely state during the regime of British India and up to Sep. 13, 1948 after Independence. The status quo of the Telangana region was maintained as a separate state in the Indian union, until November 1956, at the time of its merger With Andhra. Before merger the states capital was Hyderabad.

At the time of creation of Jharkhand, Chatisghar and Utteranchal states, only the Backwardness of the regions were considered mainly and this scale is fully applicable now to Telangana.

The above new states regions were far away from the parent capitals. So they can have their own new capital city for each and there was no fight for the parent capital.

States like Punjab, Haryana and Himachal Pradesh were formed without any assembly resolutions. Article 3 of the Constitution is enough for the union government to create a state.

The city of Chandigarh borders the States of Punjab and Haryana. Making the city a union territory is meaningful as the city is the capital for both states. But Hyderabad is situated in the middle of the Telangana region. Andhra Seema cannot claim it as it is a remote city for them.

For the development of the modern Hyderabad city, the contribution of the people of the Andhra Seema was immense. Their huge investment in Hyderabad worries the Andhra Seema people much. To safeguard their interest in this regard must be taken into account.

However in the way of a child’s life somebody may happen to take care of it. But the woman who give birth the child alone can claim its mother!

The sentiments and feelings of the people of Andhra Seema in regard to the city of Hyderabad should be respected and rewarded. But not by separating the child from the mother. And it is also not newer to us. During reorganization, Maharastra and Gujarat fought for the city of Mumbai, the then Bombay. Bombay became a union territory for many years! For the city of Madras now Chennai, Andhra and Tamil Nadu fought for each other. But the History corrected the things in the right way at the end.

Thus we have every reason to believe that the f Telangana people’s demand for a separate state is genuine. If the Federal Government whole heartedly wants to resolve the problem, it is just a click away from its remote! It can immediately announce the formation of Telangana state with in a time-frame of two or three years.

In the meantime the center can reward generously the new the state of Andhra Seema by allotting funds for the construction of a new ultra modern Capital city with all amenities preferably at Vijayawada. The Present Andhra Pradesh Government may extend all co-operations to flourish VijayaWada as a full fledged state capital to the entire satisfaction of the people of Andhra Seema. At the inaugural function of the New State Assembly at Vijayawada, Andhra Seema shall smilingly bid farewell to their linguistic blood brothers, the People of Telangana.

Rome was built not in a day! Now Rome is the capital city of Italy a country by name, and not to the Roman Empire which was meant to built. Like Romans we Indians are cherished with ancient culture and tolerance. Even we can think positively that the construction of a new capital will provide a number of employment opportunities, and industrial growth which will benefit the young generation of the state. Will the Central government put a step forward now to bell the cat? For the support of 10 no one likes to loss 30, may be arithmetically wise. But working to win all 40 is statesmanship! The time will tell us the answer.

But it is not only the dream of our forefathers who found the united Andhra Pradesh, with great expectations, it is also my own pray at this moment, our brothers the people of Andhra Pradesh should put their emotions aside and rationally review and decide on the future course of action and find ways to progress in unity.

(Seemandra is the name given by Srikrishna committee for the combined areas of Coastal Andhra and Rayala Seema. In Shakespeare’s words, what is in a name? Is not just the matter here. Presently we are calling the state as Andhra Pradesh. So leaving Telangana, why not we call it by name Andhra Seema?).

தனித் தெலுங்கானாவும் தீர்வும்

2011-06-20T22:25:00.003+05:30

தனித் தெலுங்கானா பிரச்சினை மீண்டும் விஸ்வரூபம் எடுத்துள்ளது.

ராயலசீமா, கடலோர ஆந்திரா, தெலுங்கானா என்பவைகள் ஆந்திராவில் உள்ள முக்கியமான மூன்று பிராந்தியங்களாகும்.

பிரச்சினையைத் தீர்க்க நியமிக்கப்பட்ட ஸ்ரீகிருஷ்ணா கமிட்டியானது...

1. தற்போது இருப்பதைப் போலவே, ஆந்திரா ஒரே மாநிலமாக இருக்கலாம். தெலுங்கானா பகுதியைச் சேர்ந்தவருக்கு முதல்வர் அல்லது துணை முதல்வர் பதவி தரலாம்.

2. ஆந்திராவை சீமாந்தரா, தெலுங்கானா என, இரண்டு மாநிலங்களாக பிரிக்கலாம்.

3. தெலுங்கானா பிராந்திய கவுன்சிலை உருவாக்க அதிகாரம் அளிக்கும் வகையிலான சட்டத்தை அரசு இயற்றலாம்.

4. ஆந்திராவை இரண்டாக பிரிக்கும்போது, ஐதராபாத்தை யூனியன் பிரதேசமாக்கலாம். இரண்டு புதிய மாநிலங்களுக்கும், தனித்தனி தலைநகரங்களை உருவாக்கலாம்.

5. ஆந்திரா, தெலுங்கானா என, இரண்டு மாநிலங்கள் உருவாக்கும் போது, ஐதராபாத்தை தெலுங்கானாவின் தலைநகராக அறிவிக்கலாம்.

6. ஆந்திராவை ராயல் - தெலுங்கானா, கடலோர ஆந்திரா என இரண்டு மாநிலங்களாகப் பிரிக்கலாம். அப்போது, ஐதராபாத்தை ராயல் தெலுங்கானாவின் தலைநகராக அறிவிக்கலாம்-என்பது உள்ளிட்ட பரிந்துரைகளை முன்வைத்துள்ளது.

இப்பரிந்துரைகளில் தனித் தெலுங்கானா ஆர்வலர்கள் விரும்பும் இரண்டாவதைத் தவிர மற்றவைகள் பிரச்சினையை மேலும் சிக்கலாக்க உதவுமே அதற்குத் தீர்வாக அமையாது என்பது தெளிவு. இத்ததீர்வு மற்ற இரு பிராந்தியங்களில் கலவர சூழலை உருவாக்கும் அபாயம் உள்ளது என்பதால் அக்கமிட்டி இரண்டவது பரிந்துரையை அமல் படுத்துவது தொடர்பாக ஆக்கபூர்வமான யோசனைகள் எதையும் முன் வைக்கவில்லை.

ஆந்திரா, ராயலசீமா பகுதி மக்களின் மனக்குறையைப் போக்கி தெனித்தெலுங்கானா மாநிலம் அமைப்பதுதான் இப்பிரச்சினைக்கு நிரந்தரத் தீர்வாக இருக்க முடியும். மத்திய அரசு உண்மையிலேயே இப்பிரச்சினைக்குத் தீர்வுகாண விரும்பினால் இரண்டு ஆண்டுகளில் தனித் தெலுங்கானா மாகாணம் அமைக்கப்படும் என உடனடியாக அறிவிக்கலாம். மீதமுள்ள இரண்டு பிராந்தியங்களையும் இணைத்து ‘சீமந்திரா’ என்பதைவிட ‘ஆந்திரசீமா’ எனத் தனிமாநிலமாக அறிவிக்கலாம். அம் மாநிலத்திற்கு விஜயவாடாவைத் தலைநகராக்கலாம். இந்த இடைப்பட்ட காலத்தில் மத்திய அரசும், மாநில அரசும் இணைந்து ஒரு கணிசமான தொகையை ஒதுக்கி சண்டிகாரைப் போல் விஜயவாடாவையும் ஒரு அதிநவீன தலைநகராக உருவாக்கலாம். இது ஐதராபாத்தில் கணிசமாக முதலீடு செய்திருக்கும் ஆந்திரசீமா பகுதி மக்களின் மனபயத்தைப் போக்கி கலவர சூழலை ஒரளவு தணிக்க உதவும். 1953ல் சென்னை ராஜதானியிலிருந்து ஆந்திர மாநிலம் உருவானபொதும் இதே போன்ற தொரு பிரச்சினை சென்னை மாநகருக்காக வந்த போது அப்பொது ஐதராபாத் நகர்தான் பிரச்சினைக்குத் தீர்வானது.

பண்டித ஜவகர்லால் நேரு அவர்கள், 1956ல் மொழிவாரி மாநிலங்கள் அமைந்த போது பிரிட்டிஷ் ஆட்சிக்கு உட்படாமல் ஐதராபாத் நிஜாமிடம் தனி ராஜ்யமாக இருந்த தெலுங்கான பகுதியை ஆந்திர மாநிலத்துடன் இணைப்பதற்குப் பலத்த எதிர்ப்பு கிளம்பிய போதும், நேரு தெலுங்கானாவை அப்போதே தனி மாநிலமாக உருவாக்காமல் ஆந்திராவுடன் இணைத்ததற்கு மூலகாரணம், ஐதராபாத் மட்டுமே சென்னைக்குப் பதிலாக ஆந்திராவுக்கு ஒரு சரியான தலைநகராக இருக்க முடியும் என்பதால்தான். அதுதான் உண்மையாகி காலப்போக்கில் ஆந்திர மக்களை அமைதிப்படுத்தியது. மொழி ஒன்றைத் தவிர மற்ற எல்லா அம்சங்களிலும் எண்ணையும் நீரும்போல் ஒன்று கலக்காமல் வேறுபட்டு இருந்த போதும், நாட்டின் ஒருமைப்பட்டுக்காக 60 ஆண்டு காலம் ஆந்திராவுடன் ஒன்று பட்டு நின்ற தெலுங்கானா பகுதி மக்களுக்கு மத்திய அரசு பதில் சொல்ல வேண்டிய தருணம் இது. அதே நேரம் ஆந்திர மக்களையும் அமைதிப்படுத்த வேண்டும். நிஜாம் காலத்தில் இருந்தே ஐதராபாத் தெலுங்கானா பகுதியின் தலைநகரம் என்பதாலும், இது அப்பிராந்தியத்தின் மையத்தில் இருப்பதாலும் தெலுங்கானா தனிமாநிலத்திற்கு ஐதராபாத்தைத் தலை நகராக்குவதே நியாயமும் பொருத்தமுமாகும். ம்த்திய அரசும் மாநில அரசும் இணைந்து ஒரு புது மணப்பெண்ணின் பொலிவில் விஜையவாடாவை சகல சௌபாக்கியங்களுடன் அலங்கரித்து ஆந்திரசீமா மாநிலத்துக்கு ஒப்படைப்பது ஒன்றே பிரச்சிணைக்கு நிரந்தரத் தீர்வாக அமையும்.

புதிய விற்பனை மையம்

2010-03-09T17:32:00.004+05:30

அறிவியல் வீதி மற்றும் பாவை பப்ளிக்கேஷன்ஸ் இணைந்து உருவாக்கும் புதிய விற்பனை மையம் நாளை உதயமாகிறது!

நிலவில் ஒரு பாலிவுட் நட்சத்திரம்!

2010-01-26T20:37:00.001+05:30

சந்திரனுக்குப் போகலாம் வாங்க-3

நியூயார்க்கில் உள்ள சந்திர நில இயலின் சர்வதேச சங்கம் (International Lunar geographic society) நம் ஷாரூக்கான் பெயரை அங்குள்ள ஒரு எரிமலை வாய்க்கு (Crater) வைத்துப் பெருமைப் படுத்தியுள்ளது. இந்த அமைப்பு நிலாவியல் பற்றிய ஆராய்ச்சியை மேற்கொள்ளும் ஓர் அமைப்பாகும். அதை சர்வதேச வான சாஸ்திரவியல் ஒருங்கிணைப்புக்குழு (International Astronomical Union) ஆமோதித்துள்ளது. சந்திரனின் மேற்பரப்பில் அப்பல்லோ-11 விண்வெளி வீரர்கள் நீல் ஆம்ஸ்ட்ராங்க் எட்வின் ஆல்ட்ரின் ஆகியோர் காலடி வைத்த அதே அமைதிக்கடல் பிரதேசத்தில்தான் (Sea of Tranquility) இந்த எரிமலைவாய் அமைந்துள்ளது. பிரஞ்சு வானவியல் வல்லுனர் பிரான்சிஸ் J. D அரக்கோ, என்பவர் பெயரில் அமைந்துள்ள மாபெரும் 'அரக்கோ' தொகுப்பில் உள்ள நான்கு எரிமலை வாய்களில் ஷாரூக்கான் பெயரில் அமைந்துள்ள எரிமலை வாய்தான் மிகப் பெரியது. அப்பல்லோ-11 வீரர்கள் இறங்கிய இடம் இதற்கு தென் கிழக்கே உள்ளது. ஏராளமான ஷாரூக் ரசிகர்களின் கோரிக்கையை ஏற்று இந்த நடவடிக்கை எடுக்கப்பட்டதாக அந்த அமைப்பு தெரிவித்துள்ளது. ஷாரூக்கின் தீவிர ரசிகர் ஒருவர் ஏற்கனவே ஒரு துண்டு நிலத்தை சந்திரனில் வாங்கி அவருக்கு பரிசளித்துள்ளது குறிப்பிடத்தக்கது.

இந்திய கணிதவியல் மேதை சர் சி.வி ராமன், இந்திய விண்வெளி ஆராய்ச்சியின் தந்தை விக்ரம் சாரபாய், இந்திய அணுவியலின் தந்தை எனப் போற்றப்படும் ஹோமி பாபா ஆகியோர் வரிசையில் ஷாரூக் பெயரும் இடம் பெற்றுள்ளது. சர்வதேச அளவில் லியார்னா டோ டாவின்சி, கிறிஸ்டோபர் கொலம்பஸ், சர் ஐசக் நியூட்டன், ஜூலியஸ் சீசர், ஜூல்ஸ் வெர்ன், பிளேட்டோ, ஆர்க்கிமீடிஸ், கெப்ளர், கோபர்னிக்கஸ், அரிஸ்டாட்டில் போன்ற வானவியல் மேதைகள் மற்றும் கிரேக்க ரோமானிய இதிகாச தெய்வங்கள் பெயர்களிலும் ஏற்கனவே சந்திரனின் பல மலைத் தொடர்களுக்கும், பள்ளத்தாக்குகளுக்கும், எரிமலை வாய்களுக்கும் பெயரிடப்பட்டுள்ளன.

இந்திய நிலாவியல் அமைப்பின் காரியதரிசி பிரதீப் மோகன்தாஸ், இந்திய சந்திரபயணத் திட்டத்தின் தந்தை கிருஷ்ணமூர்த்தி கஸ்தூரிரங்கன், தேசீய விண்வெளி அமைப்பின் தலைவர் சுரேஷ் நாயக் ஆகியோர் இந்த நடவடிக்கை ஒட்டு மொத்த இந்தியர்களின் மனநிலையைப் பிரதிபலிப்பதாக உள்ளது என வரவேற்றுள்ளனர்.

இனி நாம் நமது சந்திர பயணத்தை மேற்கொண்டு தொடர்வோம். வெண்ணிலாவில் நமக்கென்று ஒரு இடத்தை நாமும் பிடிக்க வேண்டுமல்லவா?

சந்திரன் - சில அடிப்படைத் தகவல்கள்:

வயது : 460,00,00,000 ஆண்டுகள்.

பூமியிலிருந்து தூரம் மிகஅருகில் : 3,56,399 கி.மீ.

மிகதூரத்தில் : 406699 கி.மீ.

விட்டம் : 3476 கி.மீ (ஆஸ்திரேலியாவில் சிட்னி-பெர்த் நகரங்களுக்கு இடைப்பட்ட தூரம்)

சுற்றளவு : 10,927 கி.மீ.

தன்னைத் தானே சுற்ற ஆகும் காலம்: 27நாள் 7மணி 43நிமிடம்.

பூமியைச் சுற்றிவர ஆகும் காலம் : 27நாள் 7மணி 43நிமிடம்.

ஈர்ப்பு விசை : புவி ஈர்ப்பு விசையில் ஆறில் ஒருபங்கு.

ஈர்ப்புவிசையிலிருந்து விடுபட தேவையான வேகவிசை : 2.4 கி.மி/செகண்ட்

வாயுமண்டலம் : சிறிதளவு/இல்லை.

வெப்பம் சூரிய உச்சத்தில் : 127⁰C

சந்திரனின் நள்ளிரவில் : -173⁰C௦

பொருள்திணிவு (Mass): பூமியின் 81ல் ஒரு பங்கு.

கொள்ளளவு (Volume) : பூமியின் 50ல் ஒரு பங்கு.

சந்திரனும் புதன், வெள்ளி போன்றே தனித்து சூரியனைச் சுற்றிய ஒரு கிரகம் என்றும், ஒரு தருணத்தில் பூமியின் மிக அருகில் வந்த சமையம் பூமியின் புவிஈர்ப்பு விசையால் ஈர்க்கப்பட்டு பூமியின் துணைக்கிரமாக மாறியது என்ற ஒரு கருத்தும் உள்ளது.

துணைக்கோள் இலக்கணத்திற்குச் சற்று பெரிது சந்திரன். இதன் குறுக்களவு 3470 கி.மீ. பூமியின் குறுக்களவில் கால் பங்கிற்கும் சற்றே அதிகம். சந்திரன் தன்னைத்தானே ஒருமுறை சுற்றுவதற்கும், பூமியை ஒரு முறை சுற்றி வருவதற்கும் ஒரே நேரம் அதாவது 27.3 நாட்களே எடுத்துக் கொள்வதால், நிலாவில் நாம் பார்க்கும் அதே பகுதிதான் நமக்கு எப்போதும் தெரியும். ஆனால் நாம் பார்க்கும் சந்திரனின் பரப்பளவில் வித்தியாசம் இருக்கும். ஏனெனில் சந்திரன் பூமியை நீள்வட்டப் பாதையில் சுற்றி வருகிறது. பூமிக்கு மிக அருகில் இருக்கும்போது அது பெரிதாகத் தெரியும். அதாவது அதன் மீது படும் சூரிய ஒளியின் பரப்பளவு அதிகம்.

நாம் சாதாரணமாகச் சந்திரனைப் பார்க்கும் போது சந்திரன் மென்மையான ஒரு பஞ்சு உருண்டை போல் காட்சி அளிக்கிறது. அதில் கறுப்பு மற்றும் சாம்பல் நிற திட்டுகள் பல இருப்பது போலும் உள்ளது. ஆனால் நாம் சந்திரனை ஒரு தொலைநோக்கி வழியே பார்த்தால் இந்தக் கறுப்புத் திட்டுகள் அகண்ட சமவெளி போல் காட்சி தரும். இக்காட்சியை முதன் முதலில் கலிலியோ தொலைநோக்கி வழியே பார்த்தபோது அவருக்கு இது பரந்த கடல் போல் கட்சி தரவே இதை அவர் மரியா (Maria) என்று லத்தீன் மொழியில் அழைத்தார். லத்தீனில் ‘மரியா’ என்றால் கடல் என்று பொருள். எனவேதான் நாம் இன்றும் சந்திரனின் சமவெளிப் பிரதேசங்களை ‘அமைதிக் கடல் பிரதேசம்’ போன்று ‘கடல் பிரதேசம்’ என்ற அடைமொழியுடன் அழைகிக்கிறோம்.

ஆனால் இன்று நமக்கு அந்தச் சமவெளிகள் சந்திரனில் உள்ள பள்ளத்தாக்குகள் என்றும், அவைகள் மெல்லிய மணல் அடுக்கினால் மூடியுள்ளன என்பதும் தெரியும். இவைகள் எரிமலைக் குழம்பாலும், சாம்பலாலும் உருவானவை.

அடுத்து அந்த சாம்பல் நிறத் திட்டுகளில் பெரும்பாலானவகள் உயர்ந்த பீடபூமி போன்ற மலைத் தொடர்களாகும். இவைகள் கற்களால் ஆன கெட்டியான வறண்ட பாறைத்தொடர்களாகும். சமெவேளிகள் நம் கண்ணுக்குத் தெரியும் நிலாப் பகுதிகளில் அதிகமாகவும் அதன் மறுபக்கத்தில் உயர்ந்த பீடபூமிகள் அதிகமாயும் காணப்படுகின்றன.

இவை தவிர பூமியைப் போல் இல்லாமல் சந்திரனில் கோடிக்கணக்கான எரிமலை வாய்கள் உள்ளன இவற்றில் 50 லட்சம் எரிமலை வாய்கள் 1.5 கி.மீக்கு அதிகமான விட்ட அளவு கொண்டவைகள். இந்த எரிமலை வாய்களில் சில 80 முதல் 100 கி.மீ விட்டம் கொண்டவைகள் கூட இருக்கின்றன. மீதி குறைந்த பட்சம் 30 செ.மீ விட்டத்திற்குக் குறையாதவைகள். மிகப்பெரிய ‘இம்பிரியம் பேசின்’ எரிமலைவாய் 1100 கி.மீ விட்டம் கொண்டது. இதைத்தான் நாம் தினம் தோறும் பார்க்கும் சந்திரக் கிழவியின் கண் என்கிறோம். உயர்ந்த மலைகள்தான் சுவர்போல் இந்த எரிமலையைச் சூழ்ந்து நிற்கின்றன! இம்மலைத் தொடர்களில் சில 1000க் கணக்கான கி.மி உயரம் கொண்டவை. இத்தகைய ஒரு எரிமலை வாய்க்குத்தான் ஷாரூக்கான் பெயர் சூட்டப்பட்டுள்ளது.

நிலவு குளிர்வானது. சூரியனையைப் போல் சந்திரன் தானாகவே பிரகசிப்பதில்லை. சூரியன் ஒளிர்விப்பதால் வானத்தில் சந்திரன் தெரிகிறது. அங்கு வாயு மண்டலம் என்ற ஒன்று கிடையாது. இப்போதுதான் நீர் இருப்பதற்கான சத்திய கூறுகள் பற்றி தெரிய வந்துள்ளது. மேற்கொண்டு ஆராய்ச்சி தொடர்கின்றது. ஆனால் கண்களுக்கு தெரியும் அளவுக்கு நீர் இல்லை என்பது மட்டும் நிச்சயம். இதன் உட்கரு (Core) உருகிய பாறை அல்லது இரும்பு குழம்பால் ஆனது. நிலவின் மேற்பரப்பு தூசுப் படலமானது. உயர்ந்த நிலப்பரப்புகளும், தாழ்ந்த பள்ளத்தாக்குகளும் விண்கற்கள் விழுந்ததனால் உண்டானவை. தாழ்வான நிலப்பரப்புகள் எரிமலைக் குழம்பால் நிரம்பி இருண்ட பிரதேசமாய்க் காணப்படுகிறது. இவைகள் நாம் நாள்தோறும் பார்க்கும் பகுதியில் உள்ள பள்ளத்தாக்குகள் ஆகும். நிலவின் மறு பிரதேசத்தில் உள்ள பள்ளத்தாக்குகள் பெரும்பாலும் மலைத்தொடர்களால் சூழப்பட்டிருக்கின்றன.

சந்திரன் நமக்கு அருகாமையில் உள்ள ஒரே இயற்கைத் துணைக்கோள். சந்திரன் வெகு தொலைவில் உள்ளது என்றாலும் மற்ற எல்லா வானொளிக் கோளங்களையும் விட இது நமக்கு மிக அருகில் உள்ள கோளாகும். எனவேதான் இதை பூமியின் துணைக்கோள் என்கின்றனர். நாம் பூமியை ஒரு எழுமிச்சை பழத்திற்கு ஒப்பிட்டால் சந்திரன் ஒரு பட்டாணியின் அளவே உடையது.

பயணம் தொடரும்.....

சந்திரனுக்குப் போவோமா-2 கட்டுரையின் இறுதியில் கேட்கப்பட்ட கேள்விக்கு ஆல்பர்ட் ஐயின்ஸ்டீன் என்று சரியாக பதிலளித்தவர்கள் 3 பேர். அவர்களை இக்குடியரசு நன்னாளில் மனதார வாழ்த்துவதோடு அவர்களுக்கு உரிய பரிசு விரைவில் அனுப்பி வைக்கப்படும் என்று தெரிவித்துக் கொள்கிறோம்.

1. Srivatsan Gopalan
Technical Manager
Novalock Pvt. Ltd. Chennai - 600 020

2. Thanga Murugan

Trichy - 620017

3. Vadivel Rajan

Kovilpatti - 628501

மனிதாபிமானம் – சிறுகதை

2010-01-22T16:31:00.001+05:30

“அம்மே குத்துக்கல்லாட்டம் உக்காந்து கிடக்காம ஆக வேண்டியதைப் பாருங்க. ரோசாமணியைப் பெண் பார்க்க வாராக. இன்னும் மணி நேரம் கூட இல்லை”.

“எலே என் செல்ல ராசா, நெசம்மாவா சொல்றே?”

நெசம்மாத்தான் பாட்டி. எங்க சின்ன முதலாளிதான் வெவரம் சொன்னாரு. மாப்பிள்ளைக்கு ரோசாமணியை விட பெரிய படிப்பாம். சென்னையில் ஒரு பெரிய மருந்துக் கம்பெனியில் வேலையாம். நல்ல சம்பளம். கவுரவமான குடும்பம்னு சொன்னாரு”.

“தங்கச்சிக்கு சீர் செனத்தியெல்லாம் பேசியாச்சா ஆறுமுகம்”. தாயின் குரலில் கவலை.

“நம்ம குடும்பத்தை பத்தி முதலாளி வெவரமா சொல்லிட்டாராம். அவங்களுக்கு படிச்ச பொண்ணா குடும்ப லட்சணமா இருந்தாப் போதுமாம். நம்மால முடிஞ்சத செய்யச் சொல்லிட்டாக. சம்மதிச்சுப்புட்டுத்தான் வாராக”

“ராசா என் வயித்துல பால வார்த்த. அந்த நீலியம்மன் இன்னைக்காவது கண்ணைத் திறந்தாளே! அப்படியே உனக்கும் ஒன்னப் பார்த்துட்டா ஒரு செலவா போகும்”.

“பாட்டி நீ வாய மூடி சும்மா இருக்க மாட்டே? கல்யாணாச் செலவு அவங்கது. நீ ஓசில ஒல வைக்கப் பார்க்கியா? போங்க. போயி முதல்ல ஆக வேண்டியதைப் பாருங்க”.

”சரி ஆறுமுகம்! ரோசாமணிக்கு சேதி சொல்லியாச்சா?”

“மதியமே அவ ஸ்கூலுக்குப் போயி சேதிய சொல்லிட்டேன். வந்திருவா”.

நம் நாட்டின் பட்ஜெட் பற்றிக் கவலைப்படாத குடும்பங்களில் ஆறுமுகசாமி குடும்பமும் ஒன்று. இரண்டு பேர் உழைத்தும் பற்றாக்குறை நிலவரம்!

மூன்றாண்டுகளுக்கு முன்பு வரை அதுவும் நல்ல நிலையில் இருந்த குடும்பம்தான். அவன் தந்தைக்கு இதய நோய் என்ற வடிவில் துரதிருஷ்டம் அக்குடும்பத்தை தொற்றிக் கொள்ள, அது அக்குடும்பத்தின் சொத்துக்களையும் விழுங்கி, ரோசாமணிக்கு என்று இருந்த சேமிப்பையும் சேர்த்து ஏப்பம் விட்டு விட்டது.

ரோசாமணி ஒரு பட்டதாரி ஆசிரியை. படிப்பைப் பொறுத்த வரை அவள்தான் அந்த ஊருக்கு கின்னஸ் ரேகார்டு. பெயருக்கு ஏற்றாற்போல் அவள் உணமையிலேயே அழகு ரோசாதான். அக்கிராமத்து சொந்தங்களில் ரோசாமணியை மணந்து கொள்ள பலருக்கு கொள்ளைப் பிரியம். அடைந்தால் ரோசாமணிதான் என்று சிலர் வரிந்துகட்டிக் கொண்டிருக்க, அவள் தந்தையோ படிப்பை அளவு கோலாக வைத்து, வெளியில் மாப்பிள்ளை பேசி முடித்து விட்டார். அவள் பருவம் இசைத்த ராகத்திற்கு மயங்க்கிக் கிடந்த சொந்தங்கள் அதிர்ந்து போனார்கள். ஏமாற்றம் பொறாமையாய் வளர்ந்து குரோதத்தில் முடிந்தது.

ரோசாமணி குடும்பதின் நிலை தலைகீழானதும் அவள் தந்தை பேசி முடித்திருந்த மாப்பிள்ளை வீட்டார் நழுவிக் கொண்டனர். திருமணத்திற்கு ஒரு வாரம் இருக்கையில் மருத்துவமனையில் இருந்த அவருக்கு விவரம் எப்படியோ கசிந்து விட, செயற்கை சுவசத்தில் ஒட்டிக்கொண்டிருந்த அவர் உயிர் அதிர்ச்சியில் விடை பெற்றுக்கொண்டது.

அவள் தந்தையின் மறைவுக்குப் பிறகும் எத்தனையோ சம்மந்தங்கள் வரத்தான் செய்தன .சிலர் கொண்டு வந்த வரதட்சணை அளவு கோல் ரோசாமணியின் குடும்ப சக்திக்கு எட்டவில்லை. வரதட்சணையை வற்புறுத்தாதவர்களிடம் அவள் சொந்தங்கள் இல்லாதையும், பொல்லாததையும் சொல்லி கலைத்து விடுவதில் குறியாயிருந்தனர்.

எப்படியோ ரோசாமணியின் தந்தையிடமே “ஆண்பிள்ளையிருக்க பெண்ணைப் படிக்க வைப்பானேன்” என்று சவடால் விட்டவர்களுக்கு அக்குடும்பம் மூன்றாண்டு காலம் தீனி போட வேண்டியதாயிற்று. இத்தனை காலம் மௌனத்தில் ஊர்ந்த அவ்வீட்டின் வாயிலை இப்போதுதான் இன்ப கணங்கள் எட்டிப் பார்க்கின்றன. வீடு தடபுடல் ஆக்கிக் கொண்டிருந்தது.

அந்தத் தனியார் பள்ளியில் பணி முடிந்து ரோசாமணி வீடு திரும்பிக் கொண்டிருந்தாள். அவள் பயணம் செய்த பேருந்து, ரயில்வே கேட்ட் திறப்பதற்காக காத்திருக்க, தாமிரபரணிக் கரையின் துடிப்பை அவள் கண்கள் அளந்துகொண்டிருந்தன.

செந்நெல் வயலில் தென்றால் தவழ, இளம் பயிர்களில் அலைகள் தோன்ற அந்த இதமான காட்சி மனதைக் கொள்ளை கொண்டது.

ரயிவே கேட் திறந்தது, இறக்கைகள் முளைத்து விட்டது போல் வாகனங்கள் பறந்தன. என்னதான் இயற்கைக் காட்சிகளும், தோழிகளின் பேச்சுகளும் அவள் மனதை அமைதிப் படுத்த முயன்றாலும், ஊர் நெருங்க நெருங்க அலைபாயும் அவள் மனதில் இன்னும் ஆறதா ரணம் சிந்தும் நிகழ்வுகள் பீரிட்டுக் கிளம்பின.

“புதுக்குளம் இறங்குங்க.” கண்டக்டர் குரலில் உயிர் பெற்றாள்.

“ரோசாமணி என்ன கனவா? தூக்கத்தில் திருநெல்வேலி போயிடாதே...” சிரிப்பும் கும்மாளமுமாய் தோழிகள் இறங்க.... கனத்த மானதுடன் ரோசாமணி இறங்க்க்கினாள்.

நெடுஞ்சாலையிலிருந்து எதிரில் பிரியும் புதுக்குளம் விலக்கு கிளைச் சாலைக்கு வந்தனர்.

“ரோசாமணி விட்டுக்குப் போய்விட்டு கால்மணி நேரத்தில் உன் வீட்டுக்கு வந்து விடுவோம். அதுக்குள்ள மாப்பிள்ளையை அனுப்பிவிடமாட்டியே?”

“சீ போடி...”

“அட வெட்கத்தைப் பாரேன். எதற்கும் கொஞ்சம் மிச்சமிருக்கட்டும், மாப்பிள்ளைக்கு.

“ஏய் நீ சும்மாவே இருக்க மாட்டியா” அவள் பதில் சொன்னதும் தோழிகள் பிரியும் நேரம், அந்த சம்பவம் நடந்தே விட்டது. புளியமரத்தடியில் நின்று கொண்டிருந்த அவன் அவர்களை நோக்கி வந்தான்.

“அந்தப் பைத்தியம் வற்றான். எதுவும் வாங்கம போக்கமாட்டான். பர்ஸுகளைத் துளாவினார். ஆனால் அவனோ

“ரோசாமணி நான் பழசெல்லாம் மன்னிச்சிடறேன். என்னைக் கட்டிக்கோயேன். இன்னிக்கு சினிமாக்கு போகலாம் வர்றியா?”

என்னடா சொன்னே...” ஓங்கிய அவள் கையைப் பிடித்து முத்தமிட முயன்றான். வெடுக்கெனப் பிடிங்கிக் கொண்டாள்.

“நீ என்ன அடிக்க வந்தே... உன் வண்டவாளத்தை ஊருக்குள்ளே போயி சொல்லிடு வேன். ஆமா...” அவள் பதிலுக்கு அவன் காத்திருக்கவில்லை. பக்கத்திலிருந்த வாழைத் தோப்புக்குள் புகுந்து மறந்தான்.

ரோசாமணி வீடு களைகட்டியிருந்தது. உள்ளே அவளுக்கு அலங்காரம். அவமானத்தால் குன்றிப்போயிருந்த அவள் மனம் அடிக்கடி முகத்துக்கு வந்தது. என்னதான் மேக்-ஆஃப் போட்டாலும் முகம் வெளிறிக் கிடந்தது. அவளைக் கூடத்துக்கு அழைத்து வந்தனர்.

கூடத்தில் மாப்பிள்ளை விட்டார் உள்ளூர் வாசிகளுடன் கலகலப்பாய் வார்த்தையாடிக் கொண்டிருந்தனர். அங்கு ரோசாமணி வந்ததுதான் தாமதம். நிலைமை தலைகீழாகி விட்டது. கலகலப்பு எங்கோ ஓடி ஓழிந்து கொண்டது.

“ஒய்யாரக் கொண்டையாம் தாழம் பூவு. உள்ளே இருக்குமாம் ஈரும் பேனும். நல்லா யிருக்குடா கதை. தேடிப் பிடிச்சிருக்க பாரு பொண்ண. மேயப்போறா மாட்டுக்கு கொம்புல புல்லுக் கட்டு கேட்குதாம். இன்னும் ஏண்டா இடிச்ச புளி மாதிரி உட்காந்திருக்கே...” ஏழுந்தாள்.

“அம்மா நீங்க என்ன சொல்றீங்க.” பதைபதைத்தான் ஆறுமுகம்.

“ம்... என்னை ஏன்யா கேட்கறே... அந்தக் கன்றவிய என் வயலா வேறே சொல்லனு மாக்கும்...” இந்தாதானே இருக்கா ஒன் தங்கச்சி... கேளேன் நடு ரோட்ல நடந்த கூத்த... நாங்க சீர்வரிசைதான் கட்டு செட்டா வேண்டாம்னு சொன்னொம். ஆனா மனம் ரோஷம் வேண்டாம்னு சொல்லல... உள்ளுர்ல வெல போகாத மாடு வெளியூர்லயா போகும்னு சொல்வாங்க. சும்மாவா சொன்னாங்க. ஏண்டா அருண் இன்னுமா உட்கார்ந்திருக்கே.”

உலகின் அத்தனை இடிகளும் அவன் தலையில் இறங்கியது போலானான் ஆறுமுகம். அவன் முதலாளியைப் பார்த்தான். “ஐயா நிங்களாவது ஒரு வார்த்த சொல்லுங்க... போக வேண்டாம்னு...” கூடத்தில் ஒரே கூச்சல்.

ரோசாமணியின் மனமோ குமுறிக் கொந்தளித்தது. உள்ளங்கைக்குள் முகத்தைப் புதைத்து மனதை அடக்கி விடப் பார்த்தாள். அவள் பொன்னுடல்தான் குலுங்கியது. உணர்ச்சிகளைக் கட்டுப்படுத்த முடியாமல் தவியாய்த் தவித்தாள். மலைப் பிரதேசங் களைத் தேடி மனதை அமைதிப்படுத்த முயன்றாள். அவைகள் எரிமலைகளாயின. துருவங்களின் பனிப்பொழிவை நாடிப் பார்த்தாள். அவைகள் சுட்டெரித்தன. வெண்ணிலாவில் அடைக்கலம் வேண்டிப் பார்த்தாள் அது பேச மறுத்து ஒளிந்து கொண்டது.

ஏ! மனிதாபிமானமே! உன் விலைதான் என்ன? அவள் துன்பத்தின் கூர்முனை அதை யும் சீண்டிப் பார்த்தது... ம்.. தெரியும். என் உயிர்தானே. கொடுத்து விடுகிறேன் இனியும் என் அப்பாவி அண்ணன் வாழ்விற்கு ஒரு வினாடி கூட தடையாய் இருக்க மாட்டேன். பொங்கி ஓடும் தாமிரபரணியே! பொறு ஒரு நிமிடம்! இதோ வந்து விடுகிறேன். என் தந்தையிடம் என்னையும் சேர்ப்பித்துவிடு... எழுந்தாள்.

அருண்குமாரும் எழுந்தான்.

“அம்மெ நீ செத்த வய முடி சும்மா இருக்கியா” அவன் கணீர் குரல் சூழ்நிலையை அமைத்திக்குக் கொண்டு வந்தது. அவன் பார்வை ஆறுமுகசாமியின் குடும்பத்தார் மீது விழுந்தது. வாள் வீச்சென அந்த அமைதியைக் கூறுபோட்டன அவன் வாத்தைகள். “நீங்க எதையும் மனசில வைத்துக் கொள்ள வேண்டாம். எங்கம்மா பேசியதற்கு நான் மன்னிப்புக் கேட்டுக் கொள்கிறேன். நாங்கள் இங்கு வரும் முன் புதுக்குளம் விலக்கில் இளநீர் சாப்பிட காரை நிறுத்தியிருந்தோம். ஒரு பஸ்ஸிலிருந்து நான்கைந்து பெண்கள் இறங்கி வந்தனர். அவர்களில் ஒருத்தியை ஒரு பைத்தியம் வம்புக்கிழுத்தான். அவள் மீது எந்தத் தவறும் இல்லை. நான் காரை விட்டு இறங்கி அவனைப் பிடிக்க நினைத்தேன். அதற்குள் அவன் ஓடிவிட்டான். உண்மை பேசுபவன் ஓடுவானா? உங்க முதலாளி வார்த்தைய நம்பித்தான் நான் இவ்வளவு தூரம் வந்ததே. அந்தப் பெண்தான் உன் தங்கை என்று எனக்கு அப்போது தெரியாது. உன் குடும்பத்துக்கு ஏற்படும் இன்னல்களை உன் முதலாளி சொன்ன போது அது இத்தனை தீவிரமாயிருக்கும் என்று நான் கனவிலும் கருதவில்லை. நல்லது நடக்க நாலுபேர் என்றால் அதைக் கெடுக்க பத்து பேர் இருப்பார்கள் போலும். எனக்கு உன் தங்கையை ரொம்ப பிடிச்சிருக்கு.”

மனிதாபிமானத்தை நேரில் பார்க்க ரோசாமணி தலையை நிமிர்த்தினாள். விழிநீர் மறைவில் அவனைப் பார்த்தாள். தன்னைச் சூழ்நிதிருப்பது வெறும் மூடுபனிதானா? விலகினால் தெரியுமா நட்சத்திரம்?

அவன் வார்த்தைகளில் நிலைமை இயல்புக்கு வர, அருண்குமார் பார்வை தாயிடம் திரும்பியது. “உங்களுக்கு வரவர என்ன பேசரதுனே தெரியலை. ஒரு பெண்ணின் வாழ்க்கைக்கு ஒரு பெண்ணே எதிரியா? என்னமா இது. கண்ணால் காண்பதும் பொய். காதால் கேட்பதும் பொய். தீர விசாரிப்பதே மெய். மறந்து விட்டீர்களா? இத்னை பெரிய மனிதர்கள் இங்கே கூடியிருக்க, ஒரு பைத்தியம் ஏதோ உளறியதுதான் உனக்கு பெரிசா போச்சா? சென்ற வாரம் என்னை ஒரு பெண் நிராகரித்தாள். நீ என்னமாய்ப் புலம்பினே. அப்படித்தானே இவர்களும் துடித்திருப்பார்கள்... ஆமா ஆறுமுகம். அவன் பார்வை திரும்பியது.

“எனக்கு பிறவியிலேயே கால் சிறிது ஊனம். என் மனோபலத்தாலும் சிகிச்சையாலும் அது சரியாகி விட்டது. காலைக் காட்டினான். ஆனாலும் எனக்கு நிலைத்துவிட்ட பழைய பெயரை மாற்ற முடியவில்லை. இதையே காரணம் காட்டி எனக்கு பலர் பெண் கொடுக்க மறுத்து விட்டனர். நான் எதையும் மறைக்க விரும்பவில்லை. நாளை உன் தங்கை என்னைத் தவறாக நினைக்கக் கூடாது பார். இப்பக் கேள், அவள் சம்மதத்தை. அவளுக்குப் பிடித்திருந்தால் மேற்கொண்டு பேசலாம்”.

ரோசாமணியின் உள்ளம் அவள் வாய்க்கு வரத் துடித்தது. ஆனால் வார்த்தைகள் ஒத்துழைக்கவில்லை. கதிரவனின் ஆளுகைக்குக் கிழ் அவன்தான் மனிதனாகத் தெரிந்தான். பெருமிதத்தில் விளங்கிய அவள் மனதை முகம் பிரதிபலித்தது.

நான்கு கண்களின் ஊடுருவலில் இரு உள்ளங்கள் சங்கமித்தன. அங்கு சுறக்கும் இன்பத் தேனுக்கு ஈடிணை இல்லைதானே!

“ரோசாமணி”... குரல் வந்த திக்கில் அனைவர் பார்வையும் திரும்ப “இன்று மெயில் வந்தது தாமதம் என்றாலும் உனக்கு சரியான நேரத்தில்தான் வந்திருக்கு இந்தக் கடிதம்.

நிகழ்ச்சிக்கு வரும் போது நேரில் கொடுக்கலாம் என்றுதான் எடுத்து வந்தேன். இது ஆசிரியர் தேர்வு வாரியத்திடமிருந்து வந்தாலும் என்னைப் பொறுத்த வரை இது உன் தந்தை உனக்கு அனுப்பியிருக்கும் சீதனம்தான் வாழ்த்துக்கள்!

கற்ற கல்வி காலத்துக்கும் உதவும் என்றார் போஸ்ட்மாஸ்டர். அதை ஆமோதிப்பது போல் வெளியே வானம் தூறிக்கொண்டிருந்தது.

FULL VERSION - FREE DOWNLOAD

சபாஷ் சரியான போட்டி!

2010-01-17T17:30:00.009+05:30

சந்திரனுக்குப் போகலாம் வாங்க - 2

வானைத் தொடப் போட்டியிடும் வானளாவிய கட்டிடங்கள் நிறைந்த நியூயார்க் நகரம்! அங்குள்ள புராட்டஸ்டண்ட் பிரிவைச் சேர்ந்த புகழ்பெற்ற ஆற்றோரத்து மாபெரும் தேவாலயம்! அத்தேவாலயத்தின் புனிதமான வெண்சுவர்களில் மனித குலத்துக்கு அரும்பெரும் தொண்டாற்றிய அமரத்துவம் வாய்ந்த அறுநூறு பெரியோர்களின் உருவங்கள் இடம் பெற்றுள்ளன.

<- அணுவில் அண்டம் & அண்டத்தில் அணுத்திரள் ->

பேரரசர்கள், மகான்கள், தத்துவஞானிகள், விஞ்ஞானிகள் என வெண்சுண்ணாம்புக் கல்லில் சமைக்கப்பட்ட அவ்வுருவங்களில் அழிவில்லாத அருவமான உயிரோட்டம் இப்பிரபஞ்சம் முழுவதும் பரிணமித்திருக்கிறது. தேவாலயத்தின் அறுநூறு அப்பிரபல உருவங்ளில் 14 விஞ்ஞானிகளின் உருவங்களும் இடம் பெற்றுள்ளது குறிப்பிடத்தக்கது. அந்த 14 விஞ்ஞானிகளைத் தேர்ந்தெடுக்க, அதற்கான பொறுப்பேற்ற டாக்டர் ஹாரி எமர்சன் ஃபாஸ்டிக் என்பவர், அப்போது அமெரிக்க ஐக்கிய நாட்டின் புகழ்பெற்ற விஞ்ஞானிகளுக்கு ஓர் வேண்டுகோள் விடுத்தார். அவ்வேண்டுகோளில் விஞ்ஞான சரித்திரத்தில் இடம் பெற்ற தலைசிறந்த 14 விஞ்ஞானிகளின் பட்டியலை அனுப்புமாறு கேட்டிருந்தார்.

அவ்வேண்டுகோளுக்கு இணங்க, ஒவ்வொரு விஞ்ஞானியும் ஒரு பட்டியலை அனுப்பி இருந்தனர். பெருவாரியான விஞ்ஞானிகள், ஆர்க்கிமிடீஸ், யூக்ளிட், கலிலியோ, கோபர்நிகஸ், ஐசக் நியூட்டன் போன்ற பிரபலங்களின் பட்டியலை அனுப்பியிருந்தனர். ஒவ்வொருவர் பட்டியலும் ஒன்றுக்கொன்று மாறுபட்டிருந்தது. ஆனால் அனைத்து விஞ்ஞானிகளின் பட்டியலிலும் ஒரே ஒரு விஞ்ஞானியின் பெயர் மட்டும் தவறாமல் இடம் பெற்றிருந்தது!

அந்த தலைசிறந்த விஞ்ஞானி யாராயிருக்கும்?

மேற்கொண்டு நாம் பயணத்தைத் தொடருமுன் நம் பயணத்திற்கு விண்வெளியில் அறிவியில் ரீதியாக ராஜபாட்டை அமைத்துக் கொடுத்த அந்த மாபெரும் அறிவியல் மேதையைப் பற்றி ஒன்றும் அறிந்து கொள்ளாமல் நாம் பயணத்தைத் தொடர்ந்தால் அதில் பொருள் இல்லை.

ஏனெனில் 19ம் நூற்றாண்டின் கடைசி ஆண்டுகளிலிருந்து இருபதாம் நூற்றாண்டின் ஆரம்பகாலம் வரை விஞ்ஞான உலகில் ஒரு குழப்பமான நிச்சயமற்ற நிலை நிலவியது.

கி.மு 300லிருந்து, இன்று வரை 2300 ஆண்டுகளாக ஜியோமிதி கணிதத்தின் தந்தை என்று போற்றப்படுகிறவர் யூக்லிட். சதுரம், வட்டம் செவ்வகம், முக்கோணம், ஐங்கரம், அறுகோணம், கனசதுரம், கனச்செவ்வகம், கோளம், உருளை பற்றி இன்றும் பள்ளிக் கணிதத்தில் இடம் பெற்றிருக்கும் அத்தனை கோட்பாடுகளும் இவருடையவை! பைபிளுக்கு அடுத்தபடியாக 13 தொகுதிகள் அடங்கிய இவரது கோட்பாடுகள் தான் உலகின் அத்தனை மொழிகளிலும் அதிக பிரதிகள் பதிப்பாகியுள்ளன!

ஆனால் பூமி தட்டையானது என்ற அனுமானத்தில் சொல்லப்பட்ட பல முக்கிய யூக்லிட் கோட்பாடுகள் பூமி உருண்டை என்று ஆனதும் தவறாகிப் போனது.

மேலும் அந்த காலகட்டத்தில் வெளிவந்த மேக்ஸ்வெல்லின் மின் காந்தவியல் கோட்பாடுகள் நியூட்டனின் இந்திரவியல் கோட்பாடுகளுக்கு மாறுபட்டிருந்தது. மாக்ஸ் பிளாங்கின் பகுதித் தத்துவம் (QUANTUM THEORY) விஞ்ஞானிகளுக்குப் புரியாத புதிராயிருந்தது. ஏற்கனவே கலிலியோ, பைசா கோபுரத்திலிருந்து இரண்டு வெவ்வேறு எடை கொண்ட இரும்பு குண்டுகளை ஒரே நேரத்தில் கீழே போட, இரண்டும் ஒரே நேரத்தில் தரையைத் தொட்டு, இது அதுவரை நிலவிவந்த அதிக எடை கொண்ட பொருள் தான் முதலில் பூமியைத் தொடும் என்ற அரிஸ்டாட்டிலின் கூற்றுக்கும், அவருக்கு பின்னால் வந்த நியூட்டனின் இரண்டாவது விதிக்கும் மாறுபட்டது.

எல்லாவற்றுக்கும் மேலாக ஒலி பரவ காற்றும், அலைகள் தோன்ற நீரும் இன்றிய மையாதது போல், ஒளி பயணிக்க ஈதர் என்ற கண்ணுக்குப் புலப்படாத ஊடகம் பிரபஞ்சம் முழுக்க நிரம்பியிருக்கிறது. நட்சத்திர மண்டலங்கள் அனைத்தும் அந்த ஊடகத்தில் மிதக்கிறது என்ற கூற்று நியூட்டன் காலத்திலிருந்து நிலவி வந்தது. இது கோபர்னிகசின் கிரகங்கள் தன்னைத்தானே சுற்றுகின்றன என்ற விதிக்கும், கிரகங்கள், நட்சத்திரங்கள் இவைகளின் இயக்கத்தால் ஒளியின் வேகம் மாறாது என்ற கோட்பாட்டிற்கும் முரண்பட்டிருந்தது.

இப்படி அவிழ்க்கமுடியாத பல புதிர்கள் விஞ்ஞான ஆராய்ச்சியில் ஒரு தேக்க நிலையை உண்டாக்கியிருந்த ஒரு காலகட்டத்தில் அம்மேதையின் கோட்பாடுகள் இந்த புதிர்களுக்கெல்லாம் விடை சொன்னதோடு மட்டுமல்லாமல், விஞ்ஞான உலகின் முகத் தோற்றத்தையே மாற்றி அமைத்தது, உலகின் கவனத்தை அவர் பக்கம் திருப்பியது. அவரது கோட்பாடுகள் மனித குலம் இருபதாம் நூற்றாண்டைக் கடந்து வர ஆதாரமாய் அமைந்தது என்றால் மிகையில்லை.

அணுவில் அண்டம்! அண்டத்தில் அணுத்திரள்! என்பது அவரது கோட்பாடுகளின் சாரம். அப்படிப்பட்ட ஒரு மகானைப் பற்றி தெரிந்து கொள்ளாமல் பயணிப்பது சுவைக்குமா?

அனைத்து விஞ்ஞானிகளின் பட்டியலிலும் இடம் பெற்ற அந்த அறிவியல் மேதை யார்?

சரியான விடையை மின்னஞ்சல் செய்யும் வாசகர்களில் குலுக்கல் முறையில் ஐந்து நபர்களுக்கு பரிசாக அறிவியல்வீதி பதிப்பகம் சார்பில் இரண்டு புத்தகங்கள் அனுப்பி வைக்கப்படும்.

(வெற்றியாளர்களின் விருப்பப்படி கீழ்க்கண்ட இரண்டு தொகுப்புகளில் ஏதேனும் ஒன்று)

1) கனவுக் கிராமம் + சுழலிறக்கை விமானம்

(அல்லது)

2) இங்கேயும் ஒரு சொர்க்கம் + ஆகாய விமானம்

உலகின் எந்த நாட்டில் இருப்பவரானாலும் அவருக்கு பரிசு பதிப்பகத்தின் செலவில் அனுப்பி வைக்கப்படும்.

பதில் அனுப்பவேண்டிய மின்னஞ்சல் முகவரி: arivialnambi@gmail.com

கடைசி தேதி: ஜனவரி 26 – பகல் 12 மணி வரை (இந்திய நேரம்)